16 чэрвеня ў «Букашкіным доме» выдавецтва «Галіяфы» зладзіць імпрэзу для маленькіх чытачоў. Разам з мастачкай кнігі «Дом цікаўных казак» Аленай Сацута дзеці пабудуюць свой 3D-дом і паселяць туды папяровых герояў кнігі! А пісьменніца, аўтарка кнігі, Надзея Ясмінска пачытае дзецям казачныя гісторыі.
Усіх ахвотных чакаюць 16 чэрвеня аб 11-й у кнігарні «Букашкін дом» (вул. Мсціслаўца, 24). Але спачатку трэба зарэгістравацца па нумары +375 29 160 50 20. Імпрэза будзе цікавая дзецям ад 6 год.
«Дом цікаўных казак» - дзіцячая кніга з сучаснымі казкамі і папяровымі ілюстрацыямі. Зараз яе можна замовіць праз краўдфандынг са зніжкай 30%. Кніга складаецца з 10 гісторый, дзеі ў якіх адбываюцца ў сучасным свеце і таму дзеці могуць пазнаць у маленькіх героях сябе. Усе казкі даволі ёмістыя і кароткія - тое, што трэба для чытання нанач і ўтульных вячорак з кнігай. Для таго каб праілюстраваць гэтую кнігу, мастачка Алена Сацута выразала і склеіла 1600 папяровых дэталяў!
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары