У Мінску палююць на расклейшчыкаў палітычных плакатаў і ўлётак
У апошнія дні выбарчай кампаніі ў Мінску і іншых гарадах людзей пачалі затрымліваць за расклейку плакатаў і ўлётак агітацыйнага ці палітычнага характару, перадае ПЦ «Вясна».
Так, позна ўвечары ў Мінску былі затрыманы Сяргей Шчыценка і Аляксей Санчук. Іх затрымлівалі тры машыны міліцыі. Спачатку адвезлі ў РУУС Савецкага раёна, а затым пакінулі на ноч у ізалятары да суда. Таксама паведамляецца, што машыну аднаго з хлопцаў эвакуіравалі, бо ў ёй знайшлі ўлёткі на выбарчую тэматыку.
Эвакуацыя машыны
Таксама за распаўсюд улётак уначы з чацвёртага на пятага жніўня былі затрыманы Арцём Альшэўскі і Дзмітрый Жамойдзік. Іх змясцілі ў ізалятар часовага ўтрымання на вуліцы Акрэсціна да суда.
Суда за расклейку ўлётак (верагодна, ад ініцыятывы «Сумленныя людзі») чакае Вікторыя Канюшэнка. Яна была затрымана ўвечары панядзелка і больш за суткі правяла ў ізалятары.
Затрыманага вечарам у нядзелю за расклейку плакатаў Андрэя Клінцова асудзілі на 15 сутак па арт. 17.1 КаАП (Дробнае хуліганства). Рашэнне вынес суд Першамайскага раёна.
У суботу за расклейку сцікераў з выявай міліцыянтаў быў затрыманы Леанід Скуратовіч, а ў панядзелак затрымалі раварыста Сяргея Бялевіча за тое, што клеіў агітацыйны плакат на стэнд «Выбары» каля адміністрацыі Першамайскага раёна.
Чацвёртага жніўня ў Парэччы (Гарадзенскі раён) затрымалі двух 19-гадовых хлопцаў, Паўла Чыліка і Яна Галубовіча, за расклейку ўлётак. На іх склалі пратаколы па арт. 9.11 КаАП, забралі мабільныя тэлефоны і вызвалілі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары