Александр Лукашэнка зацвердзіў сёння рашэнне на ахову дзяржаўнай мяжы органамі пагранічнай службы ў 2021 годзе, піша БЕЛТА.
Як заявілі ў Дзяржпагранкамітэце, становішча на беларускай мяжы на працягу 2020 года заставалася стабільным і кантралюемым, пагроз пагранічнай бяспецы не выяўлена.
Дзеючыя з пачатку года абмежаванні з-за пандэміі, нарошчванне шчыльнасці аховы мяжы і прыкрыцця межаў прывялі да зніжэння супрацьпраўнай дзейнасці.
«Разам з тым на межах Беларусі захаваліся рызыкі і выклікі памежнай бяспецы, звязаныя з незаконнай міграцыяй, кантрабандай і спробамі перасячэння мяжы радыкальна настроенымі асобамі. Тэрыторыя Беларусі па-ранейшаму выкарыстоўвалася для транзіту незаконных мігрантаў з праблемных рэгіёнаў у краіны Еўрасаюза», — адзначылі ў ведамстве.
Органы памежнай службы выявілі і спынілі 12 каналаў наркатрафіку, выявілі 45 асоб з прыкметамі датычнасці да экстрэмісцкай дзейнасці. Аднак у цэлым агульная колькасць парушальнікаў заканадаўства аб дзяржмяжы знізілася больш чым у два разы — з 4 тыс. у 2019 годзе да 1,8 тыс. у 2020-м.
У ліку асноўных задач на 2021 год у Дзяржаўным пагранічным камітэце назвалі ўдасканаленне інжынернага і тэхнічнага абсталявання меж, а таксама набліжэнне да іх месцаў дыслакацыі падраздзяленняў. Працягнецца актыўнае будаўніцтва сігналізацыйных комплексаў і ўстаноўка аўтаматызаваных пастоў тэхнічнага назірання для надзейнага кантролю ахоўных участкаў.
Напрыклад, створаны на памежнай заставе «Хойнікі» цэнтр маніторынгу дазваляе дыстанцыйна кантраляваць звыш за 100 км мяжы з Украінай пры дапамозе розных сістэм аховы і назірання. Сёлета яго магчымасці ўзрастуць у некалькі разоў.
У Беларусі знайшлі копію швейцарскіх Альпаў — але турыстаў там не чакаюць2
Каментары