Прэс-сакратарка Малапольскай паліцыі Катажына Цісла сказала выданню Onet, што нападнік, які ўчыніў страляніну ў цэнтры Кракава, з'яўляецца грамадзянінам Польшчы.
Паводле слоў чыноўніцы, пры затрыманні ў мужчыны не было ніякіх дакументаў. Яго асобу паліцэйскія ўстанавілі ў выніку аператыўных мерапрыемстваў.
Як паведамляецца, нападніку 25 гадоў. Цяпер ён знаходзіцца на аперацыі, таму кантактаваць з ім пакуль немагчыма. Паводле інфармацыі Onet, ягоны стан крытычны.
Усяго падчас тэракту як мінімум 5 чалавек загінулі, 17 было паранена, з іх двое паліцыянтаў. Стрэлы былі зробленыя з аўтамабіля, які праязджаў праз плошчу Галоўны Рынак. Напад быў здзейснены ў людным цэнтры Кракава, дзе мноства людзей у суботу проста шпацыруе. Зламыснік страляў абы ў каго.
Пры гэтым, як паведамляе агенцтва PAP са спасылкай на паліцыю, нападнікаў магло быць і двое. Пра асобу меркаванага другога пакуль што ніякіх звестак няма.
Праз нейкі час, аднак, паліцыя інфармацыю пра магчымага другога выканаўцу тэракта афіцыйна зняпраўдзіла.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары