Ціханоўскі заявіў, што цяпер у кожным стрыме будзе ўключаць відэа з Мелказёравым па некалькі разоў
Ён апрацаваў відэа з Мікітам Мелказёравым і яго голас з дапамогай штучнага інтэлекту, каб нельга было паскардзіцца на парушэнне аўтарскіх правоў.
3 лістапада з ютуб-канала «Краіна для жыцця», на якім апошнім часам перыядычна з’яўляюцца новыя відэа блогера Сяргея Ціханоўскага, былі выдаленыя чатыры ролікі. Гаворка ідзе пра два стрымы і два відэа.
Прычынай стала выкарыстанне Ціханоўскім кавалкаў старога відэа з Мікітай Мелказёравым — папулярным блогерам, які памёр у снежні 2025 года. Ціханоўскі ў стрымах зноў і зноў уключаў той кавалак відэа, на якім Мелказёраў заклікае падпісацца на канал «Краіна для жыцця», дэманструючы падпісчыкам, што Мелказёраў падтрымлівае менавіта яго.
Той выпуск «Жыцця-маліны» быў апублікаваны ў снежні 2023 года, за паўтара года да выхаду Сяргея Ціханоўскага на волю.
У новым стрыме Ціханоўскі запэўнівае, што не атрымаў ніякіх папярэджанняў не выкарыстоўваць відэа Мікіты (каманда канала раней казала, што прасіла аб гэтым).
А тое, што ён уставіў 6 секунд з відэа «Жыцця-маліны», па словах Ціханоўскага, апраўдана, бо там гаворыцца пра яго.
«Так, яно запісана, пакуль я сядзеў у турме. Але пасля Міікта асабіста са мной сустракаўся, ён казаў: «Сяргей, я цябе так падтрымліваю, я цябе так паважаю, ты герой». Ганяўся за мной па аэрапортах [, каб запісаць інтэрв'ю]».
Ціханоўскі дадаў, што на канал «Краіна для жыцця» прыйшло пяць скаргаў за парушэнне аўтарскіх правоў з-за фрагмента з Мелказёравым.
У новым стрыме Ціханоўскі зноў некалькі разоў уставіў Мікіту, але ўжо змяніў відэа і гук з дапамогай ШІ. І заявіў, што будзе выкарыстоўваць гэты ШІ-фрагмент з Мелказёравым і далей у кожным сваім стрыме.
«Будзе ў кожным раздзеле канала, будзе не па адным разе заўсёды», — паабяцаў блогер.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну62
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары