Падчас прэс-канферэнцыі «Галасаванне за мірны выхад з крызісу шляхам перамоваў» адбылася пікіроўка між лідарам апазіцыі Святланай Ціханоўскай і палітолагам Паўлам Усавым, які на гэтым мерапрыемстве прадстаўляў НАУ Паўла Латушкі.
Усаў сказаў, што НАУ ўдзельнічае ў прасоўванні і падтрымцы ініцыятывы, але мае некалькі «практычных дадаткаў».
«Неабходна прадумаць і распрацаваць стратэгію, якая была б ясная для большасці беларусаў, якія прымаюць удзел у галасаванні.
Першае: якім чынам здзейсніць ціск на Лукашэнку, прымусіць пайсці яго на перамовы. Выбары 2020 года паказалі, што гэтая асоба не збіраецца ўдзельнічаць ні ў якіх перамовах і цалкам ігнаруе волю беларускага народа. Каб беларусы ведалі, што ім патрэбна рабіць у выпадку, калі ўлада іх праігнаруе.
Другі момант: неабходнасць набраць яўную перавагу на платформе «Голас». У працэсе галасавання павінны ўдзельнічаць большасць з беларусаў, якія маюць выбарчае права, з мэтай, каб:
а) пацвердзіць поўную легітымнасць Святланы Ціханоўскай як лідара беларускага народа і дэ-факта як прэзідэнта, які ў выпадку трансфармацыі мае ўсе паўнамоцтвы прыняць на сябе прэзідэнтцтва; б) каб дэлегімітаваць яшчэ раз Лукашэнку», — сказаў Усаў.
На ягоныя словы адказала сама Ціханоўская: «Павел, вы вельмі дзіўна паставілі пытанне аб легімітызацыі і дэлегімітызацыі.
Беларусам гэта не патрэбна, пытанне так не стаіць. Людзі і так ведаюць, за каго галасавалі ў жніўні, і ведаюць, што Лукашэнка нелегітымны прэзідэнт. І колькасць тых, хто прагаласуе, зусім не будзе залежыць ад таго, ці Лукашэнка легітымны. Такія меседжы людзям абсалютна не варта дасылаць. Гэта галасаванне за мірны выхад з крызісу».
Цяпер чытаюць
Айцішнік Віктар Куўшынаў прадае за 850 тысяч еўра дом у Партугаліі, які пабудаваў паўтара года таму ФОТЫ1
Каментары