10 мая калектыву Нацыянальнага гістарычнага архіва прадставілі новага дырэктара. Гэта генерал-маёр Алег Воінаў, які яшчэ нядаўна быў памочнікам міністра абароны па пытаннях міжнароднага вайсковага супрацоўніцтва.
Воінаву 55 гадоў, ён нарадзіўся ў украінскім Днепрапятроўску (цяпер Дняпро). Ягоныя сваякі і цяпер жывуць там, а пасля нападу Расіі на Украіну запісалі відэазварот да свайго сваяка, заклікаючы яго не ваяваць супраць радзімы самому і паўплываць на сваё камандаванне. Таксама Алег Воінаў разам з іншымі высокапастаўленымі беларускімі вайскоўцамі ўнесены ў адзін з санкцыйных спісаў Еўрасаюза.
Папярэдняга дырэктара архіва Дзмітрыя Яцэвіча, які ўзначальваў установу 10 гадоў, звольнілі ў пачатку красавіка, не працягнуўшы кантракт. Разам з ім звольніўся і намеснік дырэктара Дзяніс Лісейчыкаў.
Чытайце таксама:
«Паўплывай на гэта, ты ж можаш». Сям'я з Дняпра звярнулася да свайго сваяка — памочніка міністра абароны Беларусі
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары