Даўно пра вас не чулі. Януковіч раіць украінцам «не хлусіць пра перамогі» і пайсці на саступкі
Беглы экс-прэзідэнт Украіны апублікаваў зварот да ўкраінцаў, каб «падзяліцца думкамі пра тое, што рэальна могуць зрабіць самі ўкраінцы, каб наблізіць мір».
Януковіч заклікаў «патрабаваць праўды», таму што «людзі стаміліся ад прапаганды, ад бесперапынных «пераможных рэляцый», а ўкраінскую ўладу назваў «недасведчанай і авантурыстычнай».
«Можа, хопіць хлусіць пра пастаянныя «перамогі», тады як сітуацыя ў краіне сведчыць зусім пра іншае? Мне здаецца, што сёння як ніколі патрэбная адэкватная ацэнка сітуацыі і павага да самых розных меркаванняў грамадзян Украіны. Яны самі маюць зрабіць выбар — змагацца «да апошняга ўкраінца» або намагацца захаваць тое, што яшчэ засталося», — напісаў ён.
Януковіч лічыць, што «важна даць магчымасць выказацца ўсім, хто мае канструктыўныя прапановы». Ён таксама дадаў, што ведае, якія наступныя крокі і рашэнні «дапамогуць дасягнуць міру».
«Такія крокі насустрач адзін аднаму будуць цалкам адпавядаць інтарэсам і чаканням украінскага народа і будуць мець падтрымку з усіх бакоў», — заявіў ён.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»9
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары