«Нараджэнне». Паглядзіце, які мурал з'явіўся ў Салігорску. ФОТЫ
Мурал «Нараджэнне» з'явіўся ў раёне ажыўленага скрыжавання ў Салігорску на тарцы дома №1 па вул. Леніна. Мастацкі роспіс стаў працягам арт-праекта «Традыцыі дзеля будучыні», які запушчаны да 100-годдзя Беларусбанка.
Карціна на дзевяціпавярховым доме ў Салігорску — вынік творчага ўзаемадзеяння «акадэмічных» і «вулічных» мастакоў. На сцяне працавалі вулічныя мастакі з супольнасці Urban Myths Яўген Сасюра і Леанід Ніфёдаў, а вось эскіз распрацавала мастак-графік Лізавета Пастушэнка, выкладчыца Беларускай дзяржаўнай акадэміі мастацтваў.
У аснове кампазіцыі мурала «Нараджэнне» — класічная пара бацькоў — Неба і Маці-Зямлі. Бог Неба — стваральнік парадку ў Сусвеце. Яго вобраз звязваюць з чыстым дзённым небам і мудрасцю. Маці-Зямля — прамаці ўсяго жывога і найбольш паважаны ў міфалогіі жаночы вобраз.
Нетры Старобінскага радовішча, дзякуючы якому і паўстаў Салігорск — дар Маці-Зямлі. На карціне яе валасы нагадваюць узор пакладаў калійнай солі. Момант з'яўлення новага жыцця на карціне — метафара стварэння Салігорска. Зялёная стужка ў валасах Маці-Зямлі — сімвал імпульсу развіцця.
Раней муралы ў межах праекту былі створаныя ў Пінску, Віцебску, Полацку, Лідзе, Гродне, Бабруйску і Мазыры, Плануюцца праекты яшчэ ў трох гарадах.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары