Мядзведзеў зрабіў чарговыя крыважэрныя заявы. Ён папярэдзіў, што гіпергук «здольны хутка дасягнуць цэляў у ЗША і Еўропе». На яго думку, да заяў Расіі варта прыслухацца ўсім жыхарам дзяржаў НАТА.
Улады Расіі вырашылі акупаваць украінскі Данбас і іншыя тэрыторыі, новыя рэгіёны будуць «абароненыя» з дапамогай мабілізаваных, Расія можа выкарыстоўваць любую зброю «уключаючы стратэгічную», таму «не трэба палохаць» Маскву. Такую выснову з прамовы Пуціна зрабіў экс-прэзідэнт, намеснік старшыні Рады бяспекі Расіі Дзмітрый Мядзведзеў.
«Заходняму істэблішменту, наогул усім грамадзянам натаўскіх краін трэба зразумець, што Расія выбрала свой шлях. Зваротнай дарогі няма», — падкрэсліў Мядзведзеў.
Разам з тым ён параіў «розным адстаўным ідыётам з генеральскімі лампасамі» не пагражаць ударам альянсу па Крыме, прыстрашыўшы, што гіпергук здольны дасягнуць цэляў у Еўропе і ЗША.
Нагадаем, Пуцін у сваім звароце да расіян абвінаваціў краіны Захаду ў «ядзерным шантажы», нагадаўшы, што расійскія вайскоўцы валодаюць аналагічным узбраеннем.
«Для абароны нашага народа мы выкарыстоўваем усе сродкі. Гэта не блеф. Нашы незалежнасць і свабода будуць забяспечаныя ўсімі сродкамі, што існуюць», — паабяцаў прэзідэнт Расіі.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары