У новым выпуску праекта «Дзікае паляванне», які вядзе Яніна Сазановіч, расказалі пра беларускую «фабрыку троляў» і тое, хто за ёй стаіць.
Па звестках аўтараў праекта, «фабрыка троляў» падпарадкаваная Сілам спецыяльных аперацый Беларусі і створаная на базе 742-га палявога вузла сувязі ССА.
Узначальвае вузел 44-гадовы палкоўнік ССА Сяргей Байкоў. Гэты чалавек, па звестках «Дзікага палявання», кіруе «фабрыкай троляў».
Каардынуе дзейнасць троляў і накіроўвае іх 27-гадовы супрацоўнік ССА Уладзіслаў Гарбатоўскі. Ён скончыў школу ў 2012 годзе, а пасля Вайсковую акадэмію ў Мінску. У гэты перыяд ён ажаніўся і пачаў сваю кар'еру ва Узброеных Сілах. Разам з жонкай яны любяць падарожнічаць, а сам Уладзіслаў на фота ў сацсетках пазіруе са страйкбольнай зброяй.
Намеснік Гарбатоўскага — супрацоўнік ССА 27-гадовы Андрэй Панкін. Ён адказвае за супрацу з Аператыўна-аналітычным цэнтрам і размеркаванне заданняў ад гэтага ведамства.
Сярод шараговых супрацоўнікаў — 27-гадовая лейтэнант ССА Наталля Лапуцкая. Яе бацька — вайсковец на пенсіі, раней служыў у «Пячах», дзе і нарадзілася Наталля. Дзяўчына адвучылася на спецыяльнасці «Правазнаўства» ў Мінскім інавацыйным універсітэце, а пасля пайшла ў «дэсантуру». Лапуцкая праславілася тым, што некалі дала вялікае інтэрв'ю TUT.BY, дзе распавядала пра хараство і цяжкасці «дэсантнага» жыцця. Яе брат Андрэй таксама служыць у ССА.
Яшчэ адна супрацоўніца — 30-гадовая капітан ССА Наталля Фіёніна (у дзявоцтве — Баравікова). Яна нарадзілася ў сям'і былога вайскоўца і пайшла па ягоным шляху. Наталля скончыла Вайсковую акадэмію і пайшла працаваць у ССА. Яе муж Уладзіслаў — ідэолаг вайсковай часці 35703.
Дзяніс Максімчык таксама капітан, яму 28 гадоў і родам ён з Ліды. Мужчына скончыў Беларускі дзяржаўны ўніверсітэт фізічнай культуры, любіць футбол і нават адгуляў сезон 2016/2017 у базавай лізе мінскай лігі міні-футбола ў камандзе Ultimatum. Пасля гэтага перайшоў на працу ў ССА.
Апошняя гераіня выпуску — 31-гадовая прапаршчыца ССА Марыя Шышко. Усё, што вядома пра яе адукацыю, — яна скончыла мінскі Вышэйшы дзяржаўны каледж сувязі па спецыяльнасці «Праграмнае забеспячэнне сетак электрасувязі». Пасля перайшла працаваць у ССА, і пра яе зусім мала звестак.
«Наша Нiва» — бастыён беларушчыны
ПАДТРЫМАЦЬЦяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу23
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4747
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ47
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары