У Гомелі судзяць за карупцыю былога начальніка мясцовага аддзялення чыгункі
15 лютага ў судзе Савецкага раёна Гомеля пачаўся разгляд крымінальнай справы па факце карупцыі. Адзін з абвінавачваных — былы начальнік Гомельскага аддзялення Беларускай чыгункі Рыгор Дворак, піша «Флагшток».
Падрабязнасці крымінальнай справы дзяржаўныя СМІ не паведамляюць. Разам з Рыгорам Дворакам на лаве падсудных яшчэ 6 чалавек. Іх абвінавачваюць у крадзяжы шляхам злоўжывання службовымі паўнамоцтвамі, дачы і атрыманні хабару, а таксама службовай падробцы.
Рыгор Дворак кіраваў Гомельскім аддзяленнем Беларускай чыгункі на працягу дзевяці гадоў, з 2016 па 2019 год быў членам Савета Рэспублікі.
У 2020 годзе, калі гомельскія чыгуначнікі выходзілі на пікет у знак пратэсту супраць рэпрэсій, па асабістым распараджэнні Дворака звальнялі людзей, заўважаных на маршах і мітынгах.
Апошні раз на сваёй пасадзе Рыгор Дворак згадваўся ў прэсе ў красавіку 2022 года. Яго знікненне з інфармацыйнага поля прыкладна супала з правядзеннем «комплексу дадатковых мер па забеспячэнні грамадскай бяспекі на аб'ектах чыгуначнага транспарту», звязанага з дыверсіямі «рэйкавых партызан».
У верасні 2022 года новым начальнікам Гомельскага аддзялення БЧ быў прызначаны Сяргей Ярашэвіч.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Такая доля ў калабарантаў,
за што бароліся - на то й напароліся))