«Утканае» — выстава пра беларускія ручнікі, якая адкрылася ў Віленскім беларускім музеі імя Івана Луцкевіча. Яна паказвае, як змяняўся погляд на этнаграфічную спадчыну, піша радыё «Рацыя».
Куратарка выставы Паўліна Вітушчанка адзначае, што самыя старыя ручнікі паходзяць з-пад Полацка. Арганізатары выставы атрымалі іх ад сям’і беларускіх ссыльных, гэта ручнікі мамы ўладальніцы. Вытканыя яны недзе ў канцы XIX стагоддзя.
На адкрыцці выставы «Утканае» заспяваў мясцовы беларускі гурт «Світанак», які складаецца з беларусаў, што выехалі з Беларусі пасля 2020 года.
Наведаць выставу можна з серады па нядзелю да восьмай вечара па адрасе: Вільня, вуліца Віленская, 20 (Vilniaus g., 20), Цэнтр беларускай культуры і супольнасці.
Каментары
аж перасмыкнула ад такога ручніка. нейкі антыручнік. вышываў чалавек, незнаёмы са значэннем арнамента, яго глыбокім сэнсам, яго мірным, жыццясцвярджальным характарам
а можа вышываў(ла) увогуле ябацька. бо як зразумець гэтыя аўтаматы, з якімі выступалі супраць беларусаў бацька і сын, гэтыя грады?