Прарэктара адной са сталічных ВНУ абвінавацілі ў карупцыі. Яму пагражае да 10 гадоў калоніі
Прарэктара адной з ВНУ Мінска абвінавацілі ў хабарніцтве. Пра гэта паведамляе прэс-служба Следчага камітэта.
Па даных следства, на працягу паўтара гадоў прарэктар па адміністрацыйна-гаспадарчай рабоце аднаго са сталічных універсітэтаў атрымліваў хабары ад прадстаўнікоў прыватных арганізацый за спрыяльнае вырашэнне пытанняў — у прыватнасці, праводзіў падстаўныя працэдуры закупак і прызначаў сваіх знаёмых у якасці вытворцаў будаўнічых работ.
54-гадовы абвінавачаны атрымліваў так званыя адкаты — у СК выявілі 7 эпізодаў злачыннай дзейнасці фігуранта, а агульная сума хабараў склала больш за 3 тысячы рублёў.
Дзеянні мужчыны кваліфікаваныя паводле ч.ч. 1 і 2 арт. 430 КК Беларусі (атрыманне хабару, здзейсненае паўторна). Яму пагражае да 10 гадоў пазбаўлення волі. Мужчына ўзяты пад варту, на яго маёмасць накладзены арышт на суму больш за 37 тысяч рублёў.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні17
Каментары