Дзвіна ставіць рэкорды, у Полацку яна ўжо перасягнула крытычную адзнаку
На раніцу 4 красавіка гідролагі зафіксавалі ў Полацку ўзровень вады, роўны 1107 см. Гэта ўжо больш чым на паўметра вышэй за небяспечную адзнаку ў 1050 см, пасля дасягнення якой пачынаюцца падтапленні, піша полацкае выданне gorod214.by.
Людзі старэйшага ўзросту расказваюць, што раней на Дзвіне лёд замярзаў да метра таўшчынёй, а падчас паводкі крыгаход зразаў усе кусты на берагавой лініі. Выкінутыя на бераг крыгі, па ўспамінах жыхароў, рака абавязкова забірала: вярталася за імі падчас паўторнага ўздыму вады, калі вызваляліся ад лёду азёры.
А цалкам з берагоў, як кажуць старажылы, Дзвіна выходзіла толькі адзін раз. Гэта пацвярджаюць і гідраметэаралагічныя назіранні. Максімальны ўздым вады па гідрапосце Полацк быў зафіксаваны ў 1956 годзе на ўзроўні 1318 см.
Што да гэтага года, то пік паводкі, як растлумачыла кіраўніца групы гідралогіі ГС «Полацк» Таццяна Вашчанка, яшчэ не наступіў, вада працягвае прыбываць. Інтэнсіўнасць пад'ёму ніжэйшая падчас пахаладання і вышэйшая ў дні пацяплення, выпадзення ападкаў. Калі б частка снегу не растала пры анамальным павышэнні тэмпературы паветра ў студзені, сёння разліў ракі быў бы яшчэ больш маштабным.
У Віцебску між тым за апошнія суткі вада прыбыла на 22 см, а яшчэ вышэй па цячэнні — на 40 см.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары