Усяго патроху44

Беларус знайшоў у сына платную інтэрнэт-падпіску і дамогся ад аператара вяртання грошай. Прытым нават з «падарункам»

Нярэдка людзі сутыкаюцца з праблемай нечаканага лішняга «мінуса» на тэлефоне. Заўважыўшы ў канцы месяца незапланаваны адмоўны баланс, абанент ідзе ў асабісты кабінет і знаходзіць там нейкія падпіскі, якіх сам ніколі не рабіў. Ці можна нешта даказаць у такіх выпадках аператару. Герой матэрыялу Blizko.by сутыкнуўся з падобнай праблемай і вырашыў вярнуць свае грошы. Вось што з гэтага выйшла.

Кол-аператары двойчы адмовілі і адправілі ў офіс

Максім — абанент МТС. Паслугамі гэтага аператара карыстаюцца і яго сваякі. У свайго дзіцяці ён і выявіў нетыповы «мінус»: за тарыф належала плаціць менш. Як выявілася, хлопчык падпісаўся на музычны сэрвіс.

«У мяне ёсць праграма, якая адсочвае стан балансаў у тэлефонах, — расказвае мужчына. — У нас з сынам аднолькавы тарыф — і я са здзіўленнем убачыў, што ў яго запазычанасць большая. Вырашыў зайсці ў асабісты кабінет і паглядзець, ці няма там якой-небудзь «левай» падпіскі, і ўбачыў, што яна сапраўды ёсць».

Падпісчыкам хлопчык прабыў не так ужо і доўга — з 4 па 26 красавіка. За гэты час з балансу спісалі 7,36 рубля. Дакладна невядома, як дзіця падпісалася на сэрвіс.

«Цяжка сказаць. На форуме прачытаў, што падобныя падпіскі актываваліся нават у тых, хто ставіў сім-карту ў роўтары — нават фізічна немагчыма было самому падпісацца. Але, паколькі сын усё ж такі непаўналетні, магу выказаць здагадку, што ён загрузіў гульню, якая выклікае рэкламу — а там, не разабраўшыся, можна, націснуўшы нейкую кнопку, актываваць падпіску. Гэта малаверагодна, але магчыма», — разважае герой публікацыі.

Перш за ўсё Максім адключыў падпіску, а пасля таго задаўся пытаннем: ці можна запатрабаваць вярнуць грошы за ўжо выдаленую паслугу?

Пачытаўшы парады карыстальнікаў аднаго з форумаў, мужчына вырашыў паспрабаваць шчасця. Але размовы з кол-аператарамі МТС праблему не вырашылі. «Яны сказалі, што гэта не іх сфера абслугоўвання. Тэлефанаваў двойчы — і два разы казалі пра тое, што толькі наведванне офіса і вочная падача заявы могуць вырашыць пытанне».

Вярнулі нават больш

Праз некалькі тыдняў Максім, узяўшы пашпарт, выбраўся ў офіс кампаніі. Мужчыну не прыйшлося адстойваць сваю рацыю: грошы яму вярнулі без спрэчак. «Мяне сустрэлі абсалютна нармальна. Прапанавалі бланк і ніякім чынам не спрабавалі пераканаць. Адзінае, спыталіся, ці не карыстаецца гэтым нумарам дзіця. Я склаў заяву па шаблоне і аддаў яго супрацоўніку».

У выніку для нумара заблакавалі магчымасць дадавання інтэрнэт-падпісак, а на баланс вярнулі грошы за «карыстанне» музычным сэрвісам.

«Цікава, што па выпісцы сума была 7,3 рубля, а вярнулі 9,20. Магчыма, гэта з нейкімі падаткамі — я ўжо не разбіраўся», — успомніў Максім пра нечаканы «падарунак».

Пераходзіць да іншага аператара мужчына не плануе: МТС карыстаюцца яго родныя і многія сябры. Урэшце, такая ж праблема можа ўзнікнуць і ў абанента іншай сеткі, таму сэнсу ў такіх зменах Максім не бачыць.

Ці стаў ён асцярожнейшым пасля гэтай гісторыі. «Я сам айцішнік, таму разумею, дзе і як можа адбыцца падобная сітуацыя. У мяне падобная падзея вельмі малаверагодная. Больш за тое, неаднаразова дапамагаў людзям з падобнымі пытаннямі: бацьку сябра некалькі месяцаў карыстання падпіскай каштавалі амаль 90 рублёў дадатковых выдаткаў», — падсумоўвае герой.

Каментары4

  • Щ
    14.06.2023
    самое интересное в платных услугах не видно этих подписок они только видны в распечатках.
  • Енрн
    14.06.2023
    МТС маскоўскі Бес!
  • *_*
    15.06.2023
    Казік, ёсць)
    я ўжо 2 разы "падпісвалася", так і не зразумеўшы, як гэта адбываецца, бо нікуды, зразумела не падпісвалася. проста заўважала смс-ку "вы падпісаны"

    кругом мошенники

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць