Usiaho patrochu44

Biełarus znajšoŭ u syna płatnuju internet-padpisku i damohsia ad apieratara viartańnia hrošaj. Prytym navat z «padarunkam»

Niaredka ludzi sutykajucca z prablemaj niečakanaha lišniaha «minusa» na telefonie. Zaŭvažyŭšy ŭ kancy miesiaca niezapłanavany admoŭny bałans, abanient idzie ŭ asabisty kabiniet i znachodzić tam niejkija padpiski, jakich sam nikoli nie rabiŭ. Ci možna niešta dakazać u takich vypadkach apierataru. Hieroj materyjału Blizko.by sutyknuŭsia z padobnaj prablemaj i vyrašyŭ viarnuć svaje hrošy. Voś što z hetaha vyjšła.

Koł-apieratary dvojčy admovili i adpravili ŭ ofis

Maksim — abanient MTS. Pasłuhami hetaha apieratara karystajucca i jaho svajaki. U svajho dziciaci jon i vyjaviŭ nietypovy «minus»: za taryf naležała płacić mienš. Jak vyjaviłasia, chłopčyk padpisaŭsia na muzyčny servis.

«U mianie jość prahrama, jakaja adsočvaje stan bałansaŭ u telefonach, — raskazvaje mužčyna. — U nas z synam adnolkavy taryf — i ja sa ździŭleńniem ubačyŭ, što ŭ jaho zapazyčanaść bolšaja. Vyrašyŭ zajści ŭ asabisty kabiniet i pahladzieć, ci niama tam jakoj-niebudź «levaj» padpiski, i ŭbačyŭ, što jana sapraŭdy jość».

Padpisčykam chłopčyk prabyŭ nie tak užo i doŭha — z 4 pa 26 krasavika. Za hety čas z bałansu śpisali 7,36 rubla. Dakładna nieviadoma, jak dzicia padpisałasia na servis.

«Ciažka skazać. Na forumie pračytaŭ, što padobnyja padpiski aktyvavalisia navat u tych, chto staviŭ sim-kartu ŭ roŭtary — navat fizična niemahčyma było samomu padpisacca. Ale, pakolki syn usio ž taki niepaŭnaletni, mahu vykazać zdahadku, što jon zahruziŭ hulniu, jakaja vyklikaje rekłamu — a tam, nie razabraŭšysia, možna, nacisnuŭšy niejkuju knopku, aktyvavać padpisku. Heta małavierahodna, ale mahčyma», — razvažaje hieroj publikacyi.

Pierš za ŭsio Maksim adklučyŭ padpisku, a paśla taho zadaŭsia pytańniem: ci možna zapatrabavać viarnuć hrošy za ŭžo vydalenuju pasłuhu?

Pačytaŭšy parady karystalnikaŭ adnaho z forumaŭ, mužčyna vyrašyŭ pasprabavać ščaścia. Ale razmovy z koł-apieratarami MTS prablemu nie vyrašyli. «Jany skazali, što heta nie ich śfiera absłuhoŭvańnia. Telefanavaŭ dvojčy — i dva razy kazali pra toje, što tolki naviedvańnie ofisa i vočnaja padača zajavy mohuć vyrašyć pytańnie».

Viarnuli navat bolš

Praź niekalki tydniaŭ Maksim, uziaŭšy pašpart, vybraŭsia ŭ ofis kampanii. Mužčynu nie pryjšłosia adstojvać svaju racyju: hrošy jamu viarnuli biez sprečak. «Mianie sustreli absalutna narmalna. Prapanavali błank i nijakim čynam nie sprabavali pierakanać. Adzinaje, spytalisia, ci nie karystajecca hetym numaram dzicia. Ja skłaŭ zajavu pa šabłonie i addaŭ jaho supracoŭniku».

U vyniku dla numara zabłakavali mahčymaść dadavańnia internet-padpisak, a na bałans viarnuli hrošy za «karystańnie» muzyčnym servisam.

«Cikava, što pa vypiscy suma była 7,3 rubla, a viarnuli 9,20. Mahčyma, heta ź niejkimi padatkami — ja ŭžo nie raźbiraŭsia», — uspomniŭ Maksim pra niečakany «padarunak».

Pierachodzić da inšaha apieratara mužčyna nie płanuje: MTS karystajucca jaho rodnyja i mnohija siabry. Urešcie, takaja ž prablema moža ŭźniknuć i ŭ abanienta inšaj sietki, tamu sensu ŭ takich źmienach Maksim nie bačyć.

Ci staŭ jon aściarožniejšym paśla hetaj historyi. «Ja sam ajcišnik, tamu razumieju, dzie i jak moža adbycca padobnaja situacyja. U mianie padobnaja padzieja vielmi małavierahodnaja. Bolš za toje, nieadnarazova dapamahaŭ ludziam z padobnymi pytańniami: baćku siabra niekalki miesiacaŭ karystańnia padpiskaj kaštavali amal 90 rubloŭ dadatkovych vydatkaŭ», — padsumoŭvaje hieroj.

Kamientary4

  • Ŝ
    14.06.2023
    samoje intieriesnoje v płatnych usłuhach nie vidno etich podpisok oni tolko vidny v raśpiečatkach.
  • Jenrn
    14.06.2023
    MTS maskoŭski Bies!
  • *_*
    15.06.2023
    Kazik, jość)
    ja ŭžo 2 razy "padpisvałasia", tak i nie zrazumieŭšy, jak heta adbyvajecca, bo nikudy, zrazumieła nie padpisvałasia. prosta zaŭvažała sms-ku "vy padpisany"

    kruhom mošieńniki

Ciapier čytajuć

Biełaruskija siłaviki vyvieźli zatrymanaha rasijskaha komika ŭ les i katavali elektrašokieram6

Biełaruskija siłaviki vyvieźli zatrymanaha rasijskaha komika ŭ les i katavali elektrašokieram

Usie naviny →
Usie naviny

Stała viadoma ab zatrymańni papularyzatara navuki z Homiela2

Paśla taho, jak DAI papužała novymi kamierami, biełarusy vystrailisia ŭ čerhi na techahlad 9

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie10

Vakalist makiedonskaha hurta DNK viarnuŭsia ŭ kłub i zahinuŭ u pažary, ratujučy svaich junych prychilnikaŭ2

Ekanamist Pavieł Danejka raskazaŭ, čamu zaniaŭsia johaj

U Biełarusi stała ŭ 11 razoŭ bolš aleniaŭ5

U Minsku startavaŭ siezon arendy elektrasamakataŭ. A što z cenami?

Biełaruskija siłaviki złamali rebry i chrybietnik komiku Astaninu padčas zatrymańnia ŭ Biełarusi25

Uzrost moładzi mohuć pavialičyć u Biełarusi da 35 hadoŭ6

bolš čytanych navin
bolš łajkanych navin

Biełaruskija siłaviki vyvieźli zatrymanaha rasijskaha komika ŭ les i katavali elektrašokieram6

Biełaruskija siłaviki vyvieźli zatrymanaha rasijskaha komika ŭ les i katavali elektrašokieram

Hałoŭnaje
Usie naviny →

Zaŭvaha:

 

 

 

 

Zakryć Paviedamić