«Жыву ў турэмнай няволі, а душа на волю просіцца». Палітвязень Уладзімір Гундар у калоніі піша біблейскія складнікі
Ад асуджанага на 20 гадоў калоніі ўзмоцненага рэжыму палітвязня на волю пачалі даходзіць лісты. Таксама ў сваякоў атрымалася даслаць яму заказным лістом Біблію, паведамляюць праваабаронцы.
Вядома, што ў зняволенні Уладзімір піша свае складнікі (біблейскія цытаты).
Жыву ў турэмнай няволі, а душа на волю просіцца.
І малюся аб міры ў сэрцы і спакоі.
Прашу аб іх у Госпада Ісуса.
Мір — Божае святое слова,
але прыйшла ў свет вялікая бяда.
Чалавек забыў каштоўнасць слова «мір».
І амаль не засталося міру ў сэрцы чалавека.
«Мір» у свеце папулярнае слова.
Яго папулісты свету дэвальвавалі на сваю карысць.
Слова «мір» яны эксплуатуюць бессаромна.
«За мір», з гэтымі словамі яны войны развязваюць.
У свеце без міру людзі міру пакутуюць.
І ў малітвах да Ісуса яны просяць, каб ім мір у сэрцы даў.
Бог чуе іх малітвы ды просьбы.
І дае мір у сэрцы людзям тым,
чые не зачарсцвелі сэрцы
і любяць Ісуса ўсім сэрцам сваім.
Я таксама думаю і разважаю аб міры
у сваім неспакойным сэрцы.
Можа, мая любоў да Ісуса —
мір майго сэрца неспакойнага.
Хочацца ведаць адказ.
Але хто мне яго скажа? Вядома ж сэрца.
Малюся, каб Бог мяне вызваліў ад клопатаў, праблемаў і пакутаў.
Прашу міра ўладарства ў сэрцы праз Госпада Ісуса.
***
Акрамя гэтага, ён піша, што ў адміністрацыі з'явілася чарговая нагода, каб адправіць палітвязня ў ШІЗА — ён схаваў пад падушку мачалку, каб прышыць матузок, але не паспеў, і яе забралі падчас чарговага вобшуку.
Падтрымайце Уладзіміра: ПК № 2. 213800, Бабруйск, Сікорскага, 1, 16 атрад, Уладзімір Тадэвушавіч Гундар
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары