Тры тыдні таму сустракаўся з Лукашэнкам, цяпер сыходзіць праз карупцыйны скандал — прэзідэнт Манголіі абвясціў пра адстаўку
Ухнаагійна Хурэлсуха абвінавацілі ў атрыманні 25 мільёнаў даляраў за чыгуначны кантракт. Ён адмаўляе віну, але пагадзіўся пакінуць пасаду і супрацоўнічаць са следствам.

Пра сваё рашэнне прэзідэнт Манголіі заявіў 17 лістапада ў звароце да народа, паведамляе AP.
«Я ніколі не краў у свайго народа ці сваёй дзяржавы. Я перадам прэзідэнцкія абавязкі і стану звычайным грамадзянінам», — сказаў Хурэлсух.
Абвінавачанні супраць яго высунуў былы мэр Улан-Батара Хішгээгійн Нямбаатар — прадстаўнік іншай фракцыі той жа кіроўнай Мангольскай народнай партыі.
Пасля гэтага апазіцыйная Дэмакратычная партыя запатрабавала адстаўкі прэзідэнта.
Скандал звязаны з будаўніцтвам чыгункі Таван-Талгой — Гашуунсухайт. Паводле абвінавачанняў, у 2019 годзе Хурэлсух, які тады быў прэм’ерам, забяспечыў кампаніі Bodi International кантракт без конкурсу, а ўзамен атрымаў хабар. Кампанія адмаўляе, што плаціла чыноўнікам, і называе гэтыя сцвярджэнні паклёпам.
Сам Хурэлсух таксама заявіў пра кампанію супраць сваёй рэпутацыі, але пагадзіўся на расследаванне: «Усе роўныя перад законам. Учора група Дэмакратычнай партыі выказала пазіцыю, што прэзідэнт Манголіі павінен сысці ў адстаўку і павінна быць праведзена расследаванне. Я згодны з гэтым».
Адстаўку яшчэ мусіць ухваліць парламент.
Усяго тры тыдні таму, 26 кастрычніка, Хурэлсух сустракаўся з Аляксандрам Лукашэнкам у Мінску. Бакі абмяркоўвалі прамысловасць, сельскую гаспадарку і супрацу на 2027—2029 гады.
У 2024 годзе Лукашэнка наведваў Манголію. Тады яны абмяняліся падарункамі — Хурэлсух атрымаў два трактары «Беларус», а Лукашэнка двух мангольскіх жарабцоў, якіх назвалі Мір і Хуткі.
-
Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары