Маладзён скраў 48 бляшанак піва, а заплаціць штраф у 10 разоў большы
І да рэзюмэ дадаўся крымінальны артыкул.
Фота: freepick.com
23-гадовы хлопец выпіваў з сябрамі ў бары на праспекце Незалежнасці. Праходзячы міма склада, ён заўважыў на зямлі ўпакоўкі з півам і прыхапіў дзве ўпакоўкі з сабой.
Усяго было скрадзена 48 бляшанак на 130 рублёў.
Міліцыя хутка па запісах камер відэаназірання ўстанавіла асобу аматара піва. Калі хлопцу патэлефанавалі, той не стаў адмаўляцца і сумленна ва ўсім прызнаўся, а шкоду добраахвотна кампенсаваў.
Раней малады чалавек да крымінальнай адказнасці не прыцягваўся.
Суд прызнаў яго вінаватым у крадзяжы і прысудзіў штраф 30 базавых (1110 рублёў). З улікам кампенсацыі шкоды і іншых момантаў мінчук пераплаціў за напой больш чым у дзесяць разоў.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала27
Каментары