Аўтобус Мінск — Варшава зламаўся на літоўскай мяжы ў 18-градусны мароз
Здарэнне адбылося 8 студзеня ў пункце пропуску «Прывалка», калі стаялі лютыя маразы.
Рэйсавы аўтобус «Мінск — Варшава» перастаў заводзіцца. Тэмпература паветра была мінус 18 градусаў. Баючыся за здароўе сваіх пасажыраў, кіроўца звярнуўся па дапамогу да гродзенскіх памежнікаў.
Было прынята рашэнне перасадзіць людзей у транспарт, які ідзе ў тым жа кірунку. Паломку ўдалося ліквідаваць праз некалькі гадзін, паведамляе Памежны камітэт у сваім тэлеграм-канале.
Кіроўца потым напісаў ліст памежнікам, падзякаваўшы за «спагадлівасць, прафесіяналізм і выразныя дзеянні ў няпростай сітуацыі».
Каментары