Грамадства88

Сілавікі спампавалі гісторыю чатаў беларусаў замежжа і пішуць удзельнікам. Падобна, што ў ГУБАЗіКа новая тактыка

Супрацоўнікі ГУБАЗіК экспартавалі гісторыі шэрагу эмігранцкіх чатаў і цяпер пішуць іх удзельнікам, паведамілі MOST некалькі беларусаў, якія жывуць у Польшчы і атрымалі паведамленні сілавікоў. Падчас перапіскі сілавікі адпраўлялі скрыншоты напісаных эмігрантамі паведамленняў. Бачна, што яны — з запампаванай гісторыі чата.

Аднаму з чытачоў MOST Яну (імя змененае) напісалі ў тэлеграме з акаўнта «Прафілактыка экстрэмізму. Саветы».

На аватарцы — будынак ГУБАЗіК у Мінску па вул. Рэвалюцыйнай. У розны час акаўнт на тым жа ID называўся «Экстрэмізму — не» і «Стоп экстрэмізм. Прафілактыка. Саветы». Вядома, што ён быў у некалькіх беларускіх пратэсных чатах і што з яго пісалі і іншым эмігрантам. 

Да суразмоўцы прадстаўнік ГУБАЗіК звярнуўся па імю па бацьку. Чытач MOST піша ў чаце пад сваім імем, але імя па бацьку не паказвае. Суразмоўца не назваў сябе, таму Ян не адразу зразумеў, з кім менавіта мае справу. Толькі напрыканцы кароткай перапіскі ананім сказаў, што ён з ГУБАЗіКу.

Па словах Яна, гутарку сілавік вёў у нефармальнай і нават жартаўлівай манеры. Прычым ужываў нестандартны падыход: паведаміў, што ў Беларусі Яна ніхто не шукае, у базах яго няма, і рэкамендаваў пачысціць каментары ў чатах, калі той вырашыць вярнуцца на радзіму. 

Магчыма, гэта новы спосаб пераканання: сілавікі даюць эмігрантам зразумець, што прыезд у Беларусь нічым ім не пагражае, каб схіліць да вяртання.

«Прапанова сесці мяне не прывабіла», — каментуе гэта Ян.

З таго ж акаўнта атрымалі паведамленні і іншыя беларусы. Адзін з іх у сацсетках распавёў, што яго, наадварот, палохалі тым, што ён памрэ ў выгнанні. Але весці перапіску з сілавіком мужчына не стаў. 

Пра тое, што эмігранты сталі атрымліваць паведамленні сілавікоў, стала вядома на мінулым тыдні. Але тады паведамлялася, што ў поле іх зроку траплялі ў асноўным тыя, хто дапамагаў палітвязням і іх сваякам. 

Праваабаронцы рэкамендуюць не пачынаць камунікацыю, падчас якой вы можаце перадаць адчувальную для сябе інфармацыю беларускім спецслужбам.

Каментары8

  • Вася
    17.04.2024
    Хитро поступил лука, заставил слабовиков заниматься фигнёй, только бы не шатались без дела и не думали устроить внутрисистемный переворот
  • Памёр шукальнік каментатараў
    17.04.2024
    Памёр падпалкоўнік упраўлення ГУУБ МУС па Берасцейскай вобласці, якое спецыялізуецца на пошуку беларусаў, што пакідаюць у сеціве каментары пра сілавікоў. https://dck8xvlq18iei.cloudfront.net/338095
  • Кастусь
    17.04.2024
    Трэба пісаць карнікам з акаўнту "Трыбунал над карнікамі непазбежны"

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць