У Зэльвенскім раёне падчас учарашняга ўрагану моцна пацярпела школа
Учора ў Зэльвенскім раёне быў моцны ўраган, падчас якога не абышлося нават без чалавечых ахвяр. Асноўны ўдар прыняла на сябе вёска Беражкі, але і ў іншых населеных пунктах было неспакойна. Так, у аграгарадку Галынкі даволі моцна пацярпела мясцовая школа, піша раённая газета «Праца».
«У Галынкаўскай школе моцна пашкоджаны дах. Пацярпелі і іншыя аб'екты інфраструктуры — царква, амбулаторыя, крама «Родны кут». Ураган не абышоў бокам і вёску Старое Сяло. Страты нанесеныя і сельскагаспадарчым аб'ектам — у першую чаргу фермам», — расказаў кіраўнік Галынкаўскага сельсавета Дзмітрый Сухалет.
Школа сапраўды пацярпела моцна. Частку даху знесла ад моцнага ветру, а паверхі затапіла падчас залевы. У выніку — разбураная столь, падцёкі на сценах і папсаваная падлога.
«Моцныя парывы ветру разбілі шыбы і сарвалі шыфер. Адпаведна — пацякло ўсё. Работнікі школы аператыўна накрылі плёнкай мэблю і тэхніку, асобныя прадметы ўжо вынеслі ў больш бяспечнае месца. Цяпер стараемся сваімі сіламі ліквідаваць наступствы стыхіі. Будынак абясточаны. Для дзяцей, якія адпачываюць у прышкольным лагеры, арганізавалі цэнтралізаваны падвоз у суседнюю — Дзярэчынскую школу», — расказала дырэктарка школы Ніна Самойлава.
Аднаўленчыя работы ў школе, як і ў цэлым па Галынкаўскім сельсавеце, як паведамляецца, ужо пачаліся.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў9
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
там мухчына пагіб. хоць не Максік Дизайнер, не?