«Вакол было каля 40 дзяцей. Добра, нікога не забіла». У Гомелі на людзей, якія адпачывалі ў парку, упала дрэва
«А 15-й гадзіне нас у скверы ледзь не забіла. Жонка ў бальніцы на абследаванні», — напісаў гомелец.
Пра жудаснае надзвычайнае здарэнне, якое адбылося на выходных, паведаміў паблік Vgomele. «А 15:00 у скверы мяне з жонкай ледзь не забіла. Відэа прыкладаецца, жонка ў бальніцы на абследаванні. Вакол было каля 40 дзяцей. Добра што не забіла нікога», — так апісаў каналу сітуацыю пацярпелы мужчына.
Паводле яго слоў, старое дрэва расло проста над лавачкай, «прыпаркаванай» каля фантана. «Упала за 20 см ад галавы. Стукнула галінкамі, а не ствалом. Ствол, паводле самых сціплых ацэнак, вагой 70 кг. На гэты момант медыкі сказалі, што дакладна ёсць пералом носа», — дадае мужчына.
Гэтага відэа б не існавала, калі б некалькімі хвілінамі раней мужчына не пачаў здымаць фантан. Вось такое супадзенне.
Onliner.by пагутарыў з пацярпелым. Вось што распавёў Канстанцін.
— Усё адбылося ў скверы Грамыкі, на вуліцы Савецкай, — гэта самы цэнтр. У жонкі зламаны нос і раны. Але страсення няма, бо яе ўдарыла не асноўнай галінкай, а меншымі. Людзей у скверы заўсёды шмат, асабліва дзяцей — як правіла да 10 гадоў. А ў той момант, калі гэта адбылося, дзетак было не менш за 40 чалавек.
Перад тым, як дрэва павалілася, мы ніякіх гукаў не чулі. Хоць пазней хтосьці казаў, што быў трэск, але ў скверы працуе фантан, з-за яго досыць шумна, плюс дзеці гуляюць.
Само дрэва выглядала вельмі здаровым, з досыць вялікай расліннасцю. Верагодна, калі месяц таму быў ураган, дрэва надламалася, а цяпер ад моцнай спёкі рассохлася і пад уласным цяжарам рухнула, — мяркуе Канстанцін.
Гамяльчук таксама распавядае, што хуткая прыехала хутка — выклікалі відавочцы.
«З ЖКГ з намі пакуль ніхто не звязваўся. Міліцыя сфатаграфавала месца, апытала чалавека, які выклікаў іх, апытала мяне як пацярпелага, маю жонку апыталі ў бальніцы», — дадае малады чалавек.
«Будзьце акуратныя і ўважлівыя, жыву ў гэтым раёне, і кожнае лета, вясну ў нас падаюць дрэвы. На мінулым тыдні ўпала на машыну на вуліцы Пушкіна. Таксама ў зацішнае надвор'е», — пракаментаваў адзін з падпісчыкаў.
На вайне ва Украіне загінуў былы дырэктар двух аршанскіх заводаў4
Каментары