Грамадства

«Уроцлаўская супольнасць кончаная. Ніхто не заступіўся. Проста чэрці». У Пятрухіна на стрыме выбілі з рук тэлефон

Пятрухін збіраўся здымаць толькі сябе і Алеся Бяляцкага, але ў кадр яго тэлефона трапілі і іншыя людзі.

Сяргей Пятрухін падчас аднаго са стрымаў. Ілюстрацыйнае фота

Блогер Сяргей Пятрухін прыйшоў на прэзентацыю кнігі Алеся Бяляцкага ва Уроцлаве і вёў адтуль стрым. Па яго словах, незнаёмая жанчына выхапіла ў яго тэлефон, а сам нобелеўскі лаўрэат на ягонае пытанне не адказаў.

Сустрэча з Алесем Бяляцкім адбылася 17 лістапада. Паслухаць нобелеўскага лаўрэата прыйшлі каля 80 чалавек.

Пятрухін кажа, што арганізатары дазволілі яму весці трансляцыю і што камеру ён трымаў скіраванай на сябе.

Аднак калі блогер стаў круціцца, у кадр трапілі і іншыя людзі.

Першы стрым абрываецца, калі да блогера падыходзяць са словамі: «А вы хто?»

У наступным эфіры Пятрухін распавёў, што жанчына, якую ён называе Светай, выхапіла ў яго тэлефон і пагражала выклікаць паліцыю.

Ён таксама абверг запушчаныя Алесяй Пархоменкай чуткі, што тэлефон забрала старшыня беларускага ПЭНа Таццяна Нядбай: «Яна да мяне не падыходзіла».

Сяргей Пятрухін на стрыме. Скрыншот: «Народны рэпарцёр» / Youtube

Пасля прэзентацыі Пятрухін больш за гадзіну чакаў Бяляцкага, каб спытаць пра Новікава, Скіндзерава і Мышленніка. Гэтых беларусаў у Еўропе на падставе высноў спецслужбаў пазбаўляюць міжнароднай абароны, ім пагражае дэпартацыя.

Пытанне блогер задаў, калі Бяляцкі ўжо выходзіў. Той, па словах Пятрухіна, нешта ціха адказаў і пайшоў.

Гэта раз'юшыла Пятрухіна. Ён ехаў на веласіпедзе па вечаровым Уроцлаве і чартыхаўся: «Так сябе паводзяць чмошнікі, а не нобелеўскія лаўрэаты», «паводзіць сябе як гопнік, як пацучаня», «уцёк як дзеўка».

Расстроіўся Пятрухін і стаўленнем да сябе з боку беларускай дыяспары.

«Уроцлаўская супольнасць кончаная. Ніхто не заступіўся, ніхто нічога не сказаў. Чэрці, проста чэрці», — падсумаваў ён.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць