Паветраны шар з беларускай кантрабандай прызямліўся на тэрыторыі віленскага аэрапорта
Такія сродкі ўсё часцей выкарыстоўваюць для транспарціроўкі нелегальных грузаў.
Ілюстрацыйная выява. Фота: LRT.
У суботу, 28 верасня, каля 23:45 на тэрыторыі аэрапорта ў Вільні ўпаў невялікі паветраны шар з грузам. Унутры каробкі, абцягнутай чорнай стужкай, былі пачкі цыгарэт «Мінск», піша LRT.
Гэта першы падобны інцыдэнт ў віленскім аэрапорце, аднак ён не паўплываў на расклад палётаў.
Месца падзення шара. Скрыншот LRT.
Па інфармацыі члена Сейма Літвы Дайнюса Гайжаўскаса, вось ужо год, як з Беларусі ў Літву паветранымі шарамі актыўна перадаюць кантрабанду. Адзін такі шар можа перанесці да 20 кг грузу — а гэта каля 1000 пачкаў цыгарэт.
Як сцвярджае Гайжаўскас, толькі на гэтым тыдні на тэрыторыю Літвы заляцелі каля 150 метэаралагічных шароў.
Каментары