Пра гэта даведалася выданне The Wall Street Journal са спасылкай на амерыканскія і еўрапейскія спецслужбы. Як мінімум дзве замаскаваныя выбухоўкі, якія павінны былі трапіць на авіярэйсы ў ЗША і Канаду, былі адпраўленыя агентамі ГРУ з тэрыторыі Літвы. Па справе ладзяцца арышты.
Расійская вайсковая разведка (ГРУ) удзельнічала ў арганізацыі падпалаў на борце самалётаў, якія накіроўваліся ў Паўночную Амерыку. Часткай гэтай аперацыі сталі раптоўныя ўзгаранні пасылак на складах міжнароднай лагістычнай кампаніі DHL у Вялікабрытаніі і Германіі, якія павінны былі трапіць адтуль на пасажырскія і грузавыя авіярэйсы, паведамляе The Wall Street Journal са спасылкай на расследаванні заходніх спецслужбаў.
Узгаранні, якія адбыліся ў гэтым годзе на размеркавальных складах DHL у англійскім Бірмінгеме і нямецкім Лейпцыгу, разглядаюцца заходнімі разведкамі як спробы падпаліць самалёты, якія накіроўваюцца ў ЗША і Канаду. Выбухоўкі былі замаскіраваныя пад звычайныя электрычныя масажоры, якія трапілі на склады DHL з Літвы.
Да расследавання справы далучылася пракуратура Польшчы, якая арыштавала на сваёй тэрыторыі ўжо чатырох чалавек, якіх звязваюць з расійскім ГРУ (іх нацыянальнасць не раскрываецца). Яшчэ двух чалавек, падазраваных у арганізацыі падпалаў, усё яшчэ шукаюць іншыя еўрапейскія выведкі, даведалася The Wall Street Journal.
Выданне адзначае, што збіццё камерцыйных пасажырскіх або грузавых самалётаў стала б істотнай эскалацыяй канфлікту паміж Расіяй і Захадам, і некаторыя заходнія разведвальныя агенцтвы выказалі сумненне, што падобная аперацыя магла арганізоўвацца расійскімі агентамі без поўнага ўхвалення Крамля.
Прадстаўнікі ЦРУ і Упраўлення транспартнай бяспекі ЗША адмовіліся каментаваць меркаваную аперацыю Крамля. Лагістычная кампанія DHL, на складах якой адбыліся падпалы, заявіла, што супрацоўнічае ў расследаванні інцыдэнтаў з еўрапейскімі ўладамі.
Расійскія ўлады, у сваю чаргу, адмаўляюць сапраўднасць даных заходніх разведак.
Кіраўнікі разведкі краін Захаду ўстрывожаныя «дзікімі паводзінамі» расійскіх спецслужбаў
Ланцужкі паставак як інструмент знішчэння. Падзеі ў Ліване паказалі, што любы тавар на планеце можа стаць зброяй
Мазгавы цэнтр Крамля незадаволены, што Захад перастаў весціся на ядзерны шантаж. Патрабуе «вяртання страху»
Цяпер чытаюць
За палітыку асудзілі шматдзетнага бацьку-верніка. Яго жонка памерла два гады таму5
Каментары