Хрэнін пра вайсковыя зборы: Фіксуем беспрэцэдэнтнае жаданне людзей
Міністр абароны падчас інспекцыі 230-га агульнавайсковага палігона пракаментаваў ход праверкі боегатоўнасці Узброеных сіл і прызыў вайскоўцаў запасу.
«Мы ў значнай ступені перагледзелі сістэму падрыхтоўкі Узброеных сіл. Фіксуем беспрэцэдэнтнае жаданне людзей быць датычнымі да абароны нашай Радзімы», — сказаў Віктар Хрэнін.
Ён расказаў, што сістэма падрыхтоўкі Узброеных сіл адаптаваная пад сучасныя рэаліі ваенна-палітычнага становішча.
«Зыходзячы з умоў абстаноўкі, якая на сённяшні дзень складваецца вакол нашай краіны, таго ўзброенага канфлікту, які адбываецца, патрабаванняў нашага галоўнакамандуючага, мы ў значнай ступені перагледзелі і перабудавалі сістэму падрыхтоўкі Узброеных сіл».
Міністр абароны расказаў аб мэтах праверкі і асаблівасцях мерапрыемстваў:
«Ужо трэці год запар мы праводзім такія маштабныя праверкі. У гэтым годзе ў адпаведнасці з планам, які быў падрыхтаваны ў Генеральным штабе і мною зацверджаны, мы вырашылі праверыць воінскія часці, якія фарміраваліся ў 72-м Аб'яднаным навучальным цэнтры. Для гэтага з запасу былі прызваныя каля пяці тысяч ваеннаабавязаных».
Па словах Віктара Хрэніна, мэта праверкі — «убачыць рэалізацыю спланаваных мерапрыемстваў, праверыць тэхніку, якая стаяла на захоўванні, аднавіць навыкі ваеннаабавязаных і павысіць узровень падрыхтоўкі нашых кадравых афіцэраў».
Цяпер чытаюць
«Абмяркоўваем пытанне аб вызваленні яшчэ 1300 зняволеных». Трамп расказаў, пра што гаварыў з Лукашэнкам22
Каментары
Вось яны хай за Лукашэнку і ваююць.
Намаляваныя на паперы.