Былога прэзідэнта Філіпінаў арыштавалі па ордары Міжнароднага крымінальнага суда
Былы прэзідэнт Філіпін Радрыга Дутэртэ быў арыштаваны паліцыяй у міжнародным аэрапорце Манілы па ордары Міжнароднага крымінальнага суда (МКС) па абвінавачваннях у злачынствах супраць чалавечнасці, звязаных з яго жорсткай антынаркатычнай кампаніяй, піша Бі-бі-сі.
Дутэртэ быў затрыманы пасля прыбыцця з Ганконга, дзе ўдзельнічаў у перадвыбарчым мерапрыемстве. Паводле паведамленняў, яго адвакат назваў арышт «незаконным», спасылаючыся на выхад Філіпін з МКС у 2019 годзе.
Падчас прэзідэнцтва Дутэртэ (2016—2022) яго антынаркатычная кампанія прывяла да смерці тысяч людзей. Паліцыя паведамляла пра каля 6 000 загінулых, але праваабарончыя арганізацыі сцвярджаюць, што іх колькасць можа дасягаць 30 000.
У 2019 годзе Дутэртэ вывеў Філіпіны з Рымскага статута, каб пазбегнуць расследаванняў МКС. Аднак у 2023 годзе суд аднавіў расследаванне, адхіліўшы пярэчанні філіпінскага ўрада.
Цяперашні прэзідэнт Фердынанд Маркас-малодшы, які заняў пасаду ў 2022 годзе, выказаў гатоўнасць супрацоўнічаць з МКС у пытанні арышту Дутэртэ.
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя11
Каментары