Аўтар фільма «Чужое неба», знятага падманам: Падбор герояў — гэта наша прафесійная таямніца
Супрацоўнік БТ Аляксей Мартынёнак, які зняў фільм пра «нялёгкую долю беларусаў за мяжой», адправіўся ў тур па беларускіх універсітэтах.
Сустрэчу з аўтарамі прапагандысцкага фільма «Чужое неба» арганізавалі для студэнтаў Гродзенскага дзяржаўнага ўніверсітэта. У ёй удзельнічалі рэжысёр фільма Аляксей Мартынёнак, міністр адукацыі Андрэй Іванец, а таксама галоўная гераіня фільма Юлія Брыкіна-Барысава.
Мартынёнак заявіў, што ягоны фільм павінны паглядзець усе маладыя беларусы, піша «СБ».
«Гэты фільм варта паглядзець усім, але ў першую чаргу маладым людзям і студэнтам. Пасля падзей 2020 года вырасла новае пакаленне, якое тыя падзеі закранулі па датычнай. Яны ў многіх выпадках не пабачылі і не зразумелі тых наступстваў, глыбіню і маштабы падзей. Але і тым, хто непасрэдна сутыкнуўся з рэаліямі, будзе карысна даведацца, да чаго могуць прывесці эмоцыі, якія захліснулі грамадства», — заявіў прапагандыст БТ.
Ад адказу на пытанне пра выбар герояў фільма Мартынёнак сціпла ўхіліўся.
«Падбор герояў — гэта наша прафесійная таямніца, аднак магу сказаць, што далёка не ўсе ўвайшлі ў рамкі аднаго фільма», — адзначыў Мартынёнак.
Насамрэч, усе героі «Чужога неба», акрамя Брыкінай-Барысавай, трапілі ў фільм падманам. Да іх звярнуліся людзі нібыта ад Офіса Святланы Ціханоўскай і папрасілі запісаць апавяданне пра праблемы, з якімі людзі сутыкаюцца ў эміграцыі. Герояў запэўнівалі, што гэтыя інтэрв'ю запісваюцца для таго, каб донары выдзелілі фінансавую дапамогу людзям, якія аказаліся ў складанай сітуацыі. Як высветлілася, людзей жорстка падманулі: іх інтэрв'ю мантавалі для фільма на БТ.
У Беларусі здымалі інтэрв'ю толькі з Брыкінай-Барысавай. Яна эмігравала з сям'ёй у 2022 годзе — пасля таго як яе мужу Станіславу Брыкіну пачаў пагражаць палітычны крымінальны пераслед. Нарэшце Юлія ўзяла дзяцей і вярнулася ў Беларусь, а яе муж скончыў жыццё самагубствам.
Брыкіну-Барысаву запрасілі выступіць на закрытай прэм'еры фільма ў сталічным кінатэатры. А цяпер яна ў складзе аўтарскай групы «Чужога неба» ездзіць па Беларусі і расказвае пра жахі жыцця за мяжой. Мартынёнак абяцае, што гастролі па краіне працягнуцца.
Прапагандыст АНТ Аляксандраў разыграў сцэнку сваёй размовы з эмігрантамі, але гэта аказалася хлуснёй
Вось хто той «рэжысёр», які падманам стварыў фільм пра віленскую і беластоцкую эміграцыю
Муж галоўнай гераіні прапагандысцкага фільма БТ скончыў жыццё самагубствам
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ
На БТ зрабілі фільм пра тое, як беларусы ледзь выжываюць у Еўропе. Каб запісаць відэа, герояў жорстка падманулі
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія17
Каментары