У аграгарадку Яроміна Гомельскага раёна вучні мясцовай школы займаюцца вельмі незвычайнай дзейнасцю — гадуюць такіх нетрадыцыйных для Беларусі казурак, як багамолы, піша раённая газета «Маяк».
Эксперымент пачаўся каля двух гадоў таму, калі настаўнік Максім Шастакоў разам з вучнем Артурам Малікавым пачалі займацца вывядзеннем першых асобін.
У 2023 годзе Артуру і ягонаму сябру Вячаславу Сібілеву ўдалося атрымаць ад злоўленых казурак каля 30 коканаў (аатэк), з якіх тэарэтычна павінны былі вылупіцца на свет тысяча-паўтары карысных для сельскай гаспадаркі драпежнікаў.
Спярша хлопцам удалося вывесці каля дзясятка багамолаў, якія пры нараджэнні былі не большыя за камара.
Пасля, праўда, праз недагляд аднаго з удзельнікаў эксперыменту пры адной з перавозак амаль усе казуркі загінулі, цудам уратавалася толькі адна асобіна.
Многія меркавалі, што з гэтага ўжо нічога не будзе, але ў верасні ўдзельнікаў эксперыменту чакаў сюрпрыз. Мала таго, што багамол выжыў, ён яшчэ і спакойна вырас у беларускіх умовах.
Пасля гэтага вывядзенне незвычайнай для нашых шырот казуркі працягнулася. Школьнікам ужо ўдалося вывесці 11 асобін, якіх плануюць выпусціць на невялікую тэрыторыю прысядзібнага ўчастка. Затым яны будуць вывучыць тое, як зменіцца ўраджайнасць мясцовых культур, бо багамолы харчуюцца рознымі шкоднікамі.
У планах дзяцей на будучыню — прапанаваць свае напрацоўкі НАН Беларусі, каб павялічыць маштаб эксперыменту. Іх настаўнік Максім Шастакоў падкрэслівае, што ў выпадку поспеху ёсць рэальная магчымасць замяніць хімічныя спосабы барацьбы з шкоднікамі біялагічнымі, што мае адбіцца на якасці культур.
У Заслаўі мужчына знайшоў на сваім участку казурку, якую ў Беларусі бачаць пакуль рэдка
«Да іх няма такой прывязанасці, якая ёсць да сабакі». Беларуска з дзяцінства прызвычаілася атачаць сябе экзатычнымі жывёламі
Экзатычныя канкурэнты коцікаў. Якіх незвычайных хатніх гадаванцаў можна сустрэць у беларускай правінцыі
Цяпер чытаюць
«Кайлас, я іду». Што за беларуска знікла ў жудасным селі ў Непале9
Каментары