Стала вядома, за што асудзілі кіраўніка беларускага Ernst & Young Паўла Лашчанку
Цяпер яго мусяць перавесці ў калонію — па ягоным артыкуле іншага пакарання не прадугледжваецца.
Пра затрыманне Паўла Лашчанкі «Наша Ніва» паведамляла ў лютым 2025 года. Тады высветлілася, што ён каля двух месяцаў знаходзіўся ў СІЗА па палітычным артыкуле.
Цяпер жа стала вядома, што шматгадовага кіраўніка EY ужо асудзілі. Яго абвінавачвалі па ч. 3 арт. 361 КК — «заклікі да санкцыяў ці іншых дзеянняў, накіраваных на прычыненне шкоды Беларусі, здзейсненыя праз інтэрнэт або медыя ці якія пацягнулі цяжкія наступствы». За гэта яму пагражала ад 4 да 12 гадоў са штрафам або без. Прысуд ўжо ўступіў у сілу. Лашчанку альбо ўжо перавялі ў калонію, альбо перавядуць бліжэйшым часам.
Ernst & Young — адна з найбуйнейшых у свеце кампаній, якія займаюцца аўдытам. У Беларусі без яе не абыходзілася ніводная буйная здзелка, звязаная з купляй ці зліццём бізнэсу. Ёй шмат гадоў кіраваў Павел Лашчанка.
У 2022 годзе, пасля пачатку расійскага ўварвання ва Украіну, кампанія фармальна аддзялілася ад сеткі Ernst & Young і стала працаваць пад брэндам B1. Лашчанка застаўся на пасадзе, а пасля таямніча знік. Кампанія разаслала супрацоўнікам ліст, дзе паведамляла, што ён «у сілу асабістых абставін больш не можа працягваць працаваць на гэтай пасадзе». Быў прызначаны новы кіраўнік.
У самыя гарачыя дні 2020-га Павел Лашчанка напісаў ліст да сілавікоў і дзяржслужачых, у якім выказаў сумнеў у выніках выбараў і заклікаў усіх вярнуцца да законнасці.
«Наша Нiва» — бастыён беларушчыны
ПАДТРЫМАЦЬСтала зразумела, чаму кіраўнік беларускага Ernst&Young не змог асабіста развітацца з калектывам
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
Ветэрынара са Смілавічаў асудзілі па пяці палітычных артыкулах. Яму пагражала да 12 гадоў калоніі
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары
А месяц таму яшчэ маю аднакурсніцу пасадзілі. Ірыну Суржык з Пеленга. Таксама супраць Этнасу пайшла. Супраць Хлеба
Ўсіх такіх манкуртоў, няшчырак - Шчыры Хлебаробскі Этнас перапрацуе ва ўгнаенне
Каб Хлеб лепей рос! Бо Хлеб усяму галава