Днём 14 красавіка каля вёскі Азярцо ў Мінскім раёне адбылася аварыя мотадэльтаплана «Фрэгат». У выніку здарэння загінулі два чалавекі — 45‑гадовы пілот і 26‑гадовая пасажырка, паведаміў Следчы камітэт.
Скрыншот з відэа
Паводле папярэдніх звестак, падчас палёту пілот страціў кантроль над апаратам. Са слоў сведак, пасля набору вышыні дэльтаплан пачаў рэзка падаць уніз.
Абставіны аварыі цяпер высвятляюцца.
Мотадэльтаплан «Фрэгат». Фота ілюстрацыйнае
Пасля катастрофы на месцы працуюць следчыя Мінскага раённага аддзела і абласнога ўпраўлення СК. Яны праводзяць агляд тэрыторыі, фіксуюць сляды здарэння з выкарыстаннем перасоўнай крыміналістычнай лабараторыі і спецыялістаў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары