Медсястра з Лепеля закахалася ў расійскага вайскоўца і паехала наёмніцай на фронт ва Украіну
У спісе беларусаў, якія ваююць на баку Расіі ва Украіне, апублікаваным украінскім праектам «Хачу жыць», ёсць толькі адно жаночае прозвішча — Ілоны Шчарбаковай. Расказваем пра гэту жанчыну.
Ілоне Шчарбаковай 35 гадоў. Родам яна з аграгарадка Ціхінічы Рагачоўскага раёна. Пасля школы вучылася ў Аршанскай дзяржаўнай медыцынскай вучэльні. Выйшла замуж і пераехала ў Лепель, працавала ў раённай бальніцы медсястрой.
Праз нейкі час Ілона развялася. Ад шлюбу ў жанчыны засталося двое дзяцей, якім цяпер 13 і 5 гадоў.
У красавіку 2023 года, ужо пасля разводу, яна пазнаёмілася з расійскім вайскоўцам, якога называе Марсэль. Вядома, што раней той працаваў у Арэнбургскай буравой кампаніі.
Магчыма, менавіта таму яна нанялася ў расійскую армію. Па звестках праекта «Хачу жыць», Ілона Шчарбакова падпісала кантракт 20 лістапада 2023 года.
Пазней жанчына пачала выкладаць гісторыі ў інстаграме ў вайсковай форме і падпісваць іх хэштэгам #сво. Цяпер яна падпісаная там як «медык Маіла» — магчыма, гэта яе пазыўны.
У сацсетках жанчына піша, што марыць, каб вайна скончылася ў 2025 годзе. Знаходзячыся ў адпачынку, яна прызнавалася, што спачатку не хацела ехаць на фронт, а цяпер не можа дачакацца, пакуль туды вернецца.
«Наша Нiва» — бастыён беларушчыны
ПАДТРЫМАЦЬУкраінскі праект «Хачу жыць» назваў імёны больш за 700 беларусаў, якія ваявалі на расійскім баку ПОЎНЫ СПІС
На вайне знік без вестак «Беларус» — жыхар Бараўлянаў, які ўхіляўся ад беларускага войска, але пайшоў паміраць за Расію
«Глядзіце, я пайшла да таты»: у Расіі ўдава вайскоўца скончыла жыццё самагубствам на вачах у дзяцей
Каментары