Свет2121

«Глядзіце, я пайшла да таты»: у Расіі ўдава вайскоўца скончыла жыццё самагубствам на вачах у дзяцей

Жанчына не змагла перанесці смерць мужа. Дзве дачкі засталіся сіротамі. А на сітуацыі паспрабавалі нажыцца махляры.

Галіна Маханько Галина Махонько Galina Makhonko
Галина Маханько. Фота: mobilizationnews / Telegram

Трагедыя адбылася ў Хакасіі (Расійская Федэрацыя). Як паведамляе мясцовая Дзяржаўтаінспекцыя, 26 сакавіка на трасе, якая злучае сталіцу рэспублікі Абакан і горад Ак-Давурак у Туве, пад коламі грузавіка загінула 41-гадовая жанчына Галіна Маханько. Момант трагедыі трапіў у запіс відэарэгістратара машыны, што ехала следам.

Усё адбылося на вачах дзвюх дачок жанчыны — васьмі і пяці гадоў. Яны стаялі на ўзбочыне.

Як пазней высветлілі журналісты, летам Галіна даведалася, што яе муж прапаў без вестак на фронце. А за месяц да трагедыі ёй паведамілі, што ён загінуў.

Недалёка ад месца трагедыі, на беразе возера, былі знойдзены рэчы жанчыны. Паводле адной з версій, Галіна спачатку спрабавала ўтапіцца, але не змагла прабіць лёд. Тады яна разам з дочкамі выйшла на ўзбочыну дарогі. Убачыўшы грузавік, яна крыкнула дзяўчынкам: «Глядзіце, я пайшла да таты!» — і кінулася пад колы.

Месца трагедыі. Скрын відэа: mvd19rh / Telegram

Дзяцей, якія перажылі моцны стрэс, пазней забрала хуткая дапамога. Паведамляецца, што старэйшая дачка доўгі час не магла нічога сказаць. З імі працуюць псіхолагі.

Але на гэтым гісторыя не скончылася. Як паведамляе выданне «Аргументы і факты. Перм», праз некалькі дзён у мясцовых суполках у сацсетках пачалі з’яўляцца пасты ад нібыта «найлепшай сяброўкі» Галіны, якая пераказвала трагічную гісторыю і прасіла дапамогі на пахаванне. У паведамленні быў указаны нумар банкаўскай карткі для пераводу сродкаў.

Аднак журналісты высветлілі, што на тую ж самую картку ў тыя ж дні збіралі грошы на дапамогу нібыта цяжарнай жонцы іншага жыхара Хакасіі, які быў знойдзены мёртвым пасля некалькіх месяцаў пошукаў. У тым выпадку ініцыятарам збору быў «сябар зніклага». Пасля званка паліцыі паведамленні былі выдалены.

Каментары21

  • Федзя
    03.04.2025
    Ну что тут сказать?))))
  • Filipp
    03.04.2025
    Трагедыя, шкада дачок, да і дурніцу шкада.
  • Лявон
    03.04.2025
    А навошта на "бастыёне беларушчыны" гэнтае лайно?

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць