14-гадовую мінчанку абвінавачваюць у збыце наркотыкаў — ёй пагражае да 20 гадоў пазбаўлення волі
Школьніца вырашыла падзарабіць на продажы наркотыкаў. Зараз яе чакае суд, паведамляе СК.
Незаконную працу школьніцы прапанаваў невядомы. Ён напісаў у тэлеграм і расказаў, што па пэўных каардынатах трэба будзе забіраць скруткі, а затым раскладваць іх у розных раёнах горада і фатаграфаваць. Падлетак пагадзілася і на працягу некалькіх тыдняў распаўсюджвала наркотыкі.
Чарговую закладку яна зрабіла 13 мая, пасля чаго яе затрымалі супрацоўнікі наркакантролю. Пазней школьніца паказала месцы з закладкамі — асабліва небяспечным псіхатропам альфа-PVP.
«Па выніках расследавання непаўналетняй выстаўлена абвінавачанне па ч. 4 арт. 328 (незаконныя з мэтай збыту набыццё, захоўванне, перавозка псіхатропных рэчываў, учыненыя ў дачыненні да асабліва небяспечных псіхатропных рэчываў у буйным памеры арганізаванай групай) Крымінальнага кодэкса. З санкцыі пракурора да яе ўжыта мера стрымання ў выглядзе заключэння пад варту», — паведамляе Следчы камітэт.
Падчас допыту затрыманая прызналася, што спачатку не ведала пра змест скруткаў. А калі зразумела, у які бізнэс уцягнута, не адмовілася і працягвала рабіць закладкі.
У Беларусі крымінальная адказнасць за незаконны абарот наркотыкаў з мэтай збыту наступае з 14 гадоў. Па гэтым артыкуле пагражае да 20 гадоў пазбаўлення волі.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў30
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1515
Каментары
Наўздагон Вылюдкаў якія " уцягвайют падманам няпоўнагадовых" Пажыццевае ці ..верхняя мера пакарання .