Украінская разведка: Беларусь не хоча пакрываць расійскі паліўны дэфіцыт
У Расіі цяпер адзначаецца паліўны крызіс: з-за вываду ўкраінскімі дронамі са строю некаторых НПЗ не хапае бензіну, з-за чаго ў некаторых рэгіёнах уводзяць талонную сістэму. Аптовыя цэны з пачатку жніўня падняліся на 8 % і нават забарона экспарту паліва не дапамагла стабілізаваць сітуацыю.
Беларусь, якая магла б часткова пакрыць дэфіцыт, не спяшаецца нарошчваць пастаўкі, паведамляе Служба знешняй разведкі Украіны. Па-першае, яе НПЗ маюць абмежаваныя магутнасці: у год вырабляецца каля 3—4 мільёнаў тон бензіну, з якіх палова ідзе на ўнутраныя патрэбы, а Расія толькі за месяц спажывае каля 3 мільёнаў тон.
Па-другое, эканамічна Мінску выгадней прадаваць паліва на іншыя рынкі — у Кітай, Індыю ці Афрыку, дзе цэны значна вышэйшыя ($1 300 — 1 900 за тону), у той час як у Расіі прапануюць менш за $1000. У выніку нават падчас крызісу ў 2024 годзе Беларусь паставіла ў Расію ўсяго 3 тысячы тон бензіну, што складае толькі 0,1 % яе месячнай патрэбы.
На гэты момант сутыкнуліся з недахопам бензіну як мінімум тры рэгіёны Расіі і анексаваны Крым: па талонах пачалі прадаваць паліва на АЗС Крыма і Забайкалля, у Прымор'і да заправак сталі выстройвацца шматгадзінныя чэргі, а на Курыльскіх астравах продаж бензіну ў панядзелак прыпынілі зусім.
МЗС Славакіі прыгразіла, што праз удары па нафтаправодзе «Дружба» пацярпіць сама Украіна
У Растоўскай вобласці буйны НПЗ, падпалены ўкраінскім беспілотнікам, гарыць ужо чацвёрты дзень
УСУ ўдарылі па цягніку з палівам у акупаванай Запарожскай вобласці
Пасля атак украінскіх дронаў спынілі працу два буйныя расійскія НПЗ
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары
Приходится всю, свою нефть бросать на переработку для анутренних нужд.