Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»
Women Forum пройдзе ў Мінску напрыканцы мая. Вучыць беларусак, як сумяшчаць кар'еру і адносіны, будзе мужчына — псіхолаг Марк Бартан, вядомы сваімі неадэкватнымі выказваннямі.
Марк Бартан нарадзіўся ў Малдове, а цяпер актыўна працуе ў Расіі. Пачынаў ён з вывучэння тэалогіі ва ўніверсітэце, потым пераключыўся на псіхалогію.
На яго інстаграм падпісана 2,4 мільёна чалавек. Бартан быў тэлевядучым, пісаў кнігі — нават як музыка альбом выпусціў. А сёлета на экраны кінатэатраў выйдзе рамантычная камедыя «За каханне», у якім гэты рознабаковы чалавек грае ролю.
Арыентаваны Бартан на жанчын — ён прыдумаў сем правіл, якія быццам бы дапамогуць кожнай стаць шчаслівай. Сам псіхолаг, які вучыць жанчын будаваць гарманічныя адносіны, жанаты ўжо трэці раз.
Бартана часта абвінавачваюць у мізагініі і таксічнай мускулінасці. Вядомы ён таксама сваімі крынджовымі выказваннямі.
У адным з відэа псіхолаг, напрыклад, распавядае: «Жаночыя палавыя губы запамінаюць дыяметр мужчынскага члена».
У іншым разважае, што ўсе жанчыны — талерачніцы, а калі мужчына не гатовы плаціць за паход у рэстаран, дык гэта сведчыць пра яго эвалюцыйную непрыдатнасць.
Марк таксама казаў: «Чым больш у жанчыны сэксуальных партнёраў, тым хутчэй яна апынецца ў дурцы». І дадаваў, што пасля змены партнёра ў жанчыны перабудоўваюцца імунітэт, рэпрадуктыўная і нервовая сістэмы.
Сярод яго прыхільніц даволі шмат прапагандыстак: гэта Кацярына Круталевіч з лукашэнкаўскага пулу, Марына Мароз з АНТ, Ніна Мажэйка і Настасся Рудзкая з БТ.
Пад форум забраніравалі Prime Hall — разлічваюць сабраць 1400 удзельніц. Запланавалі выступ 8 спікераў — з іх 5 прыедуць з Расіі.
Цікава, што цэн на квіткі на форум у адкрытым доступе няма. Каб даведацца, колькі ж трэба заплаціць, трэба пакінуць заяўку на сайце і дачакацца званка.
«Наша Ніва» высветліла, што цэны былі ад 115 рублёў (тарыф «Стандарт», на сайце пазначана, што ўсе квіткі ў гэтай катэгорыі раскуплены) да 705 рублёў (за VIP — іх быццам засталося 8 з 50).
Дарэчы, у VIP-тарыф уваходзіць сняданак з адной са спікерак, агульны абед, магчымасць задаць пытанне і індывідуальны бэйдж з імем удзельніцы і яе фотаздымкам.
Хто ж пойдзе слухаць Бартана і кампанію? Імаверна, некалькі дзяўчат з атачэння Лукашэнкі — яны падпісаліся на старонку форуму ў інстаграме.
Тым часам у трэдс абураюцца, што арганізатары форуму з даволі вялікімі цэнамі на квіткі шукаюць для мерапрыемства фатографа, які гатовы папрацаваць на ім бясплатна.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары