Эканоміка33

Экспарт бензіну з Беларусі ў Расію ў кастрычніку вырас у 30 разоў — прадаюць яго даражэй за расійскі

Беларусь рэзка павялічыла пастаўкі бензіну ў Расію на фоне ўкраінскіх нападаў па расійскіх НПЗ. Эксперты кажуць, што гэта дапамагло стабілізаваць рынак.

Ілюстрацыйнае фота: LookByMedia

Беларусь у кастрычніку рэзка павялічыла пастаўкі бензіну ў Расію. Аб'ёмы продажу беларускага бензіну на Пецярбургскай біржы за 20 дзён кастрычніка выраслі ў 31,7 раза ў параўнанні з кастрычнікам 2024 года — да 24,72 тысячы тон.

Толькі 20 кастрычніка на біржы прадалі больш за тысячу тон беларускага бензіну. А рэкорд быў пастаўлены 15 кастрычніка, калі прадалі 5,7 тысячы тон, пiша «Коммерсант».

Пры гэтым расійскія эксперты адзначаюць, што беларускі бензін даражэй за расійскі. У тым ліку з-за лагістыкі і спадарожных выдаткаў.

Рост продажу беларускага бензіну на біржы ў кастрычніку звязаны са зніжэннем прапановы расійскага паліва пасля ўдалых ўкраінскіх атак на буйныя НПЗ у еўрапейскай частцы Расіі. У выніку заводы рэзка скарацілі вытворчасць, і ў краіне ўзнік дэфіцыт паліва.

У сярэдзіне верасня аптовыя аб'ёмы продажу бензіну знізіліся да мінімальных за апошнія два гады значэнняў, у прыватнасці, продажы АІ-92 знізіліся амаль на чвэрць. У пачатку кастрычніка расійскі віцэ-прэм'ер Аляксандр Новак прапаноўваў павялічыць імпарт беларускага бензіну ў Расію да 300 тысяч тон у месяц.

Яшчэ да гэтага, у верасні, Беларусь рэзка павялічыла пастаўкі бензіну па чыгунцы. Больш дарагое беларускае паліва закупляюць, у тым ліку, буйныя нафтавыя кампаніі для ўласных АЗС.

У Расіі спадзяюцца, што залежнасць расійскага рынку ад беларускіх паставак будзе зніжацца па меры аднаўлення магутнасцяў уласных НПЗ. Поўнае аднаўленне, на думку мясцовых экспертаў, можа расцягнуцца на некалькі месяцаў — аж да сярэдзіны 2026 года. Аднак можна чакаць, што эфектыўныя ўкраінскія напады на паліўна-энергетычны комплекс Расіі будуць працягвацца.

Каментары3

  • Фламінг
    22.10.2025
    імпарт паліва можна хутка абнуліць
  • Зыгмунт
    22.10.2025
    павесяць шыльду "беларускі бензін", а для расіяніна гэта знак еўрапейскай якасці і будуць прадаваць даражэй
  • Лютый
    22.10.2025
    Фламінг, польский диван тоже не вечен

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць