Былы вядоўца «Белсата» Сяргей Падсасонны расказаў, чым цяпер займаецца
Вядоўца Сяргей Падсасонны звольніўся з «Белсата» ў студзені 2025 года пасля змены кіраўніцтва. На тэлеканале ён працаваў 17 гадоў.
«Пасля публічных і непублічных прыніжэнняў у бок Ігара Кулея і мяне асабіста не магу больш заставацца на канале, які ў такім выглядзе ўжо не лічу маім. Гэта больш не зона свабоды і шчырасці, праўды, якую мы стварылі і якой трымаліся», — пісаў тады вядоўца.
У эфіры ютуб-перадачы «Обычный вечер» Падсасонны расказаў, чым займаецца цяпер.
Асноўная праца Сяргея — гэта выкладанне ў Варшаўскім універсітэце (на кафедры літаратурнай камунікацыі Інстытута прыкладной лінгвістыкі). Ён таксама шмат выступае на канферэнцыях з дакладамі пра літаратуру і культуру, піша рэцэнзіі.
«Зараз я працую над вельмі важным беларускім праектам, і неўзабаве вы даведаецеся якім. Гэта будзе кніга. Гэта будзе вельмі цікава і нечакана», — праанансаваў Падсасонны.
Каментары
Не хватает мне перлов Сергея Подсосонного про Ваньку Кубракова и подобных. )))