Аўто22

У Брэсце кіроўца маршруткі гуляў у анлайн-казіно падчас паездкі

Жыхар Брэста выклаў у сацсеткі дзіўнае відэа: кіроўца маршруткі, якая рухаецца, глядзіць больш на экран смартфона, чым на дарогу. «Вось што з ім рабіць?» — пытаецца разгублены пасажыр. Але шмат хто з каментатараў бароніць лудамана.

Скрыншот відэа ў інстаграме

Відэа з Брэста выклаў у інстаграм беларус, падпісаны як «Баця ў тэме». Ён звярнуў увагу на тое, што кіроўца маршруткі падчас паездкі адной рукой трымае руль, а другой гуляе ў аўтаматы ў анлайн-казіно на сваім смартфоне.

Ніхто з пасажыраў не зрабіў такому небяспечнаму кіроўцу заўвагу — яны на заднім фоне спакойна абмяркоўваюць нейкія свае пытанні. А сам мужчына неяк разгублена пытаецца: «Вось і што з ім рабіць?»

@ep.service_bel Жесть полная!#брест #рекомендации #топ ♬ оригинальный звук - БАТЯ В ТЕМЕ

У роліка ўжо больш за паўмільёна праглядаў у інстаграме. Шмат хто паставіўся да сур’ёзнай сітуацыі з гумарам: «Чалавека на дзвюх працах працуе, не перашкаджайце!», «Прыгажун! Яшчэ і каву можна піць», «Ну дык у правілах дарожнага руху напісана, што размаўляць па тэлефоне нельга. Тут усё нармальна, не размаўляе». Заклікаюць «зразумець і дараваць».

Хапала і тых, хто пачаў крытыкаваць аўтара відэа і бараніць кіроўцу: «Гэта дадатковы заробак. А ты жэсць».

На фоне ўсяго гэтага неяк нават губляюцца абураныя каментары. Нехта ўспомніў, што маршруткі ў Беларусі перыядычна трапляюць у аварыі і часам даволі жорсткія: «Трэба было хаця б заўвагу зрабіць! Не маўчаць! І хутчэй выходзіць з гэтай маршруткі!» І адзінкавыя каментатары раілі паведаміць пра здарэнне ў ДАІ.

Скрыншот відэа ў тыктоку

У іншым відэа (ужо ў тыктоку) брэстаўчанін просіць парады, што як яму ўсё ж рабіць.

— З аднаго боку, імаверна, я жыццё чалавеку зламаю. А з іншага, ён мог загубіць яшчэ як мінімум шэсць чалавек, здаецца, столькі сядзела тады ў маршрутцы. І яго шкада, бо хворы ж чалавек, гэта праблема вялікая.

Заканчвае мужчына на адносна аптымістычнай ноце:

— Беражы Божа гэтага хлопца, каб не разбіўся дзе-небудзь, каб адмовіўся ўжо ад гэтых жудасных гульняў.

«Наша Нiва» — бастыён беларушчыны

ПАДТРЫМАЦЬ

Каментары2

  • Забанили
    08.12.2025
    Я так понимаю, ГАИ тикток не смотрит? И инстаграм тоже?
  • Смешно
    09.12.2025
    Забанили, ГАИ читает нн

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць