«Мара ў нас адна — каб ён сканаў». Зяленскі сардэчна павіншаваў з Раством
Прэзідэнт Украіны ў калядным звароце распавёў пра традыцыйнае павер’е, згодна з якім у калядную ноч шчырае жаданне можа быць пачута Богам і якое абавязкова здзейсніцца.
«Дарагі народзе, здаўна ўкраінцы верылі, што ў ноч на Раство адкрываюцца нябёсы, і калі расказаць сваю мару, то яна здзейсніцца.
Сёння мара ў нас усіх адна. І жаданне мы загадваем адно на ўсіх. «Каб ён сканаў!», — скажа кожны сабе, але калі мы звяртаемся да Бога, вядома ж, просім шырэй. Просім міру для Украіны. Мы змагаемся за гэта. І молімся за гэта. І мы гэтага заслугоўваем», — адзначыў Зяленскі.
Гаворка, відавочна, пра Уладзіміра Пуціна, які ўжо амаль чатыры гады вядзе вайну супраць Украіны, якая забівае ўкраінцаў.
«Напярэдадні Раства рускія чарговы раз паказалі свой твар — сотні шахедаў, так б'юць бязбожнікі, якія не маюць нічога супольнага з хрысціянствам. Але мы трымаемся, мы молімся за тых, хто на фронце, хто ў палоне — каб яны вярнуліся жывымі», — дадаў ён.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары