Аварыя здарылася 30 студзеня каля паловы адзінаццатай раніцы ў Барысаўскім раёне, на 21‑м кіламетры аўтадарогі Р-63 Барысаў — Вілейка — Ашмяны, паведаміла ДАІ Мінскай вобласці.
З-за тэхнічнай няспраўнасці на паласе руху спыніўся аўтобус «Нёман», якім кіравала 46‑гадовая жыхарка Барысава.
Ззаду за аўтобусам рухаўся легкавы Volkswagen пад кіраваннем 53‑гадовага мясцовага жыхара. Кіроўца не знізіў хуткасць, убачыўшы перашкоду, і ўрэзаўся ў аўтобус.
На гэтым аварыя не скончылася: у Volkswagen, які ўжо трапіў у ДТЗ, уехаў аўтапоезд — цягач МАЗ з прычэпам, што рухаўся следам.
У выніку здарэння медыцынская дапамога спатрэбілася кіроўцу Volkswagen. Пасля агляду яго адпусцілі дадому. Паведамляецца, што на момант аварыі мужчына не быў прышпілены рамянём бяспекі.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары