Пуцін заявіў, што Расія не атрымала ад Украіны прапаноў па абмене палоннымі
Прэзідэнт Расіі Уладзімір Пуцін заявіў, што Масква не атрымлівала ад Кіева прапаноў па абмене палоннымі, прадугледжаным перамір’ем, пра якое бакі дамовіліся пры пасярэдніцтве ЗША. У Офісе прэзідэнта Украіны паведамілі, што гэтае сцвярджэнне не адпавядае рэчаіснасці.
«Ніякіх прапаноў дагэтуль да нас, на жаль, не паступала», — сказаў Пуцін журналістам.
Паводле яго слоў, Расія нібыта накіравала Кіеву спіс з 500 украінскіх вайскоўцаў, якія знаходзяцца ў Расіі, яшчэ 5 мая.
«Першапачаткова рэакцыя была такая, што трэба паглядзець больш уважліва, можа быць, не ўсе 500, можа быць 200. А потым яны ўвогуле зніклі з радараў і наўпрост сказалі, што яны не гатовыя да гэтага абмену», — сказаў Пуцін.
Пагадненне аб перамір’і, пра якое паведаміў прэзідэнт ЗША Дональд Трамп, прадугледжвала абмен ваеннапалоннымі ў фармаце «1000 на 1000».
У Офісе прэзідэнта Украіны паведамілі, што гэтае сцвярджэнне не адпавядае рэчаіснасці. Праца над абменам у фармаце 1000 на 1000 працягваецца, адзначылі ў Офісе, піша «Суспільне».
«Заявы Уладзіміра Пуціна пра тое, што Украіна нібыта заявіла Расійскай Федэрацыі пра сваё нежаданне абменьвацца палоннымі, не адпавядаюць рэчаіснасці. Паколькі дамоўленасць была дасягнута пры пасярэдніцтве ЗША, рэальнае ажыццяўленне абмену залежыць ад здольнасці амерыканскага боку выступіць у якасці яго гаранта. У цяперашні час па гэтым пытанні вядуцца актыўныя кантакты», — сказаў неназываны суразмоўца выданню.
У чым замінка, не называецца.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
Пуцін не падзякаваў Зяленскаму за дазвол правесці парад у Маскве.
Але нешта там фантазуе.