Грамадства33

Як мабільныя аператары змянілі безлімітныя тарыфы пасля абмежавання хуткасці інтэрнэту

З 23 лютага ў Беларусі дзейнічаюць абмежаванні па хуткасці інтэрнэту на тарыфах з безлімітным трафікам. Пры перавышэнні парога 30 ГБ у месяц хуткасць знізяць да 1 Мбіт/с. Office Life даведаўся ў мабільных аператараў, якія варыянты яны прапануюць карыстальнікам, калі тыя выйдуць за рамкі ліміту па трафіку.

Мінсувязі лічаць, што абмежаванне збалансуе нагрузку на сеткі сотавай сувязі, а таксама дазволіць аператарам прадастаўляць дадатковыя аб'ёмы трафіку або павялічаныя перыяды «безлімітнай» хуткасці.

Пры гэтым, упэўненыя ў ведамстве, большасць карыстальнікаў наўрад ці заўважаць змены. Сёння ў Беларусі сярэдні аб'ём мабільнага трафіку на аднаго абанента складае 16 ГБ у месяц. А парог у 30 ГБ на такіх тарыфах перавышаюць толькі 15% абанентаў.

У той жа час пасля ўвядзення абмежаванняў па хуткасці інтэрнэту мабільныя аператары абнавілі лінейку безлімітных тарыфаў — як актуальных, так і архіўных. Больш за ўсё гэта адчулі карыстальнікі МТС і А1: кампаніі дадалі ў дзеючыя тарыфныя планы новыя паслугі, якія дазволяць абанентам карыстацца інтэрнэтам на высокай хуткасці.

А1 уключыў «Фарсаж»

У якасці дадатковага рашэння кампанія А1 прапанавала абанентам новую паслугу «Форсаж». Яна ўключаецца ў 14 тарыфаў з безлімітным інтэрнэтам і дае магчымасць карыстацца ім без абмежаванняў па хуткасці. У іх ліку такія папулярныя тарыфы, як «Драйв Анлім», «Smart Бясконцы», «МЕГА Прайм», «Простае рашэнне. Усё ўключана». Па рэкламнай акцыі паслугу да канца года прадастаўляюць бясплатна. Самы просты спосаб — у дадатку «Мой А1». Падключыць паслугу таксама можна ў асабістым кабінеце і праз USSD-запыт.

У кампаніі падкрэслілі, што абаненты са спецыяльнымі ўмовамі на мабільную сувязь у рамках тарыфных планаў хатняга інтэрнэту змогуць карыстацца безлімітам без абмежаванняў па хуткасці.

У МТС з'явілася турбакнопка

Для абанентаў МТС галоўным рашэннем стала новая паслуга «Супер Безліміт». У кампаніі сцвярджаюць, што яна дазваляе захаваць інтэрнэт-трафік без абмежавання хуткасці нават пасля перавышэння парога ў 30 ГБ. Прычым паслугу на актуальнай лінейцы і ў пакетах таксама падключаюць бясплатна.

Калі карыстальніку тэрмінова трэба будзе дадаць трафік на высокай хуткасці, прадугледжана паслуга «Турбакнопка 10 ГБ». Падключыць яе можна за 5 рублёў на ўсіх тарыфах з абмежаваннямі як у дадатку, так і праз USSD-запыт. Пры гэтым гігабайты «турбакнопак» сумуюцца і дзейнічаюць на працягу месяца з даты апошняга дадання.

Для тых, хто аддае перавагу тарыфам з уключанымі пакетамі трафіку без неабходнасці падлучэння дадатковых опцый, у МТС пакінулі поўны партфель тарыфных планаў: для смартфонаў — «Супер Safe», для планшэтаў — «Інтэрнэт mini/midi/maxi», для загарадных дамоў — «Дамавы 4G/4G+».

Дадатковыя гігабайты ад Life

У мабільнага аператара Life абмежаванні адносяцца толькі да аднаго тарыфу — «Бясконцы Pro Max». Пры гэтым у сярэднім абаненты выкарыстоўваюць 25 ГБ мабільнага інтэрнэту ў месяц.

У адрозненне ад А1 і МТС, гэтая кампанія вырашыла прадаставіць карыстальнікам не новыя паслугі, а дадатковы трафік. Кожны месяц на працягу года ў дадатак да 30 ГБ аўтаматычна налічваюць 60 ГБ на хуткасці да 5 Мбіт/c. А тым, хто да 22 лютага купіў у Life гаджэт разам з гэтым тарыфам, будуць налічваць штомесяц 60 ГБ да заканчэння дагавора на прыладу.

Яшчэ абанентам «Бясконцага Pro Maх» прапануюць перайсці на новы тарыф «Усё лёгка Max». Кошт той жа, і абанплата фіксуецца на год. Прапанова ўключае 100 ГБ трафіку без абмежавання хуткасці і безліміт інтэрнэту на сацсеткі і месенджары.

Акрамя таго, з 23 лютага па 8 сакавіка Life запусціў розыгрыш у сваім дадатку Life: кожны абанент любога тарыфнага плана можа выйграць 10 ГБ трафіку. Але гэта ўжо іншая гісторыя, не звязаная з абмежаваннямі па хуткасці мабільнага інтэрнэту.

Каментары3

  • Федзя
    24.02.2026
    Рыхтуюцца да вайны, с..кi
  • Санта Бэрримор
    24.02.2026
    Одна турбокнопка, которая катапультирует синепалого в рашку (или к Кобзону), сразу всей стране интернет починит.
  • Изношенное Лукоморье
    24.02.2026
    Трубы в теплосети в Минске не выдержали давления пришлось температуру снижать. Интернет сетка, тоже не выдерживает пришлось скорость снижать...

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць