Сабаленка: Ні расіяне, ні беларусы, ні, канечне, украінцы не хацелі вайны
«Але я маладая, што я ведаю пра палітыку?»
Першай ракетцы свету нагадалі пра сітуацыю на «Ралан Гарос»:, калі яе спыталі пра вайну ва Украіне: «Здаецца, гэта было некалькі гадоў таму (у 2023 годзе). Што ты вынесла з таго досведу, калі цябе прасілі выказацца пра ўрад сваёй краіны або пра стаўленне да розных геапалітычных пытанняў?
— Я не згодна з тым, як людзі тады на мяне накінуліся. Гэта быў няпросты момант. Відавочна, што ніхто не жадаў гэтай вайны — ні расіяне, ні беларусы, ні, канешне, украінцы.
І было так складана, што я павінна была нешта сказаць. Мне трэба было выказаць сваё меркаванне, але ж я не эксперт. Навошта мне ўвогуле пра гэта гаварыць? І мы бачылі, як іншыя гульцы ўсё гэта абмяркоўваюць і паказваюць на нас, нібыта мы маем да гэтага нейкае дачыненне. Момант быў вельмі напружаны, проста вар’яцкі. Я была маладой — я і цяпер маладая, але калі ўсё гэта адбылося чатыры гады таму, колькі мне было? 23 гады? Што я ведаю пра палітыку? Чаму вы мяне пра гэта пытаеце?
«Я не разумею, чаму ўсе гэтыя журналісты задаюць спартсменам пытанні на гэтую тэму», — адказала Арына Сабаленка, піша «Спорт Беларусі».
Падчас турніру «Ралан Гарос», што праводзіўся ў 2023 годзе, спачатку Сабаленка адмаўлялася выказвацца на тэму вайны ва Украіне, пасля чаго яе прэс-канферэнцыі праходзілі ў паўсакрэтным рэжыме ці наогул не адбываліся.
Аднак пасля 1/4 фіналу, у якім яна перамагла ўкраінку Эліну Світоліну, на прэс-канферэнцыі Арыне зноў задалі пытанне пра вайну ці падтрымлівае яна Лукашэнку.
«Ну, гэта складанае пытанне. Я не падтрымліваю вайну, то-бок не падтрымліваю Лукашэнку якраз цяпер», — сказала Сабаленка.
Праз месяц на Уімблдоне ў Лондане Арына сказала, што не будзе больш гаварыць пра палітыку.
«Перш чым мы працягнем, я хацела б сказаць, што не збіраюся гаварыць пра палітыку. Я тут толькі для размовы пра тэніс. Калі ласка, паважайце гэта», — сказала яна на брыфінгу перад пачаткам турніру.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары
---
а зачем ты тогда приходишь на интерью?
"Відавочна, што ніхто не жадаў гэтай вайны — ні расіяне, ні беларусы, ні, канешне, украінцы."
---
это очень жалкая, ничтожная, лицемерная позиция. если бы никто войны не хотел то ее бы и не было.