Трамп прапанаваў Дане Уайту, босу UFC, стаць яго новым прэс-сакратаром
А ў памочнікі паклікаць шэсць байцоў, у тым ліку Хабіба Нурмагамедава.
Дональд Трамп напісаў у сваёй сацсетцы Truth Social, што прапануе пасаду прэс-сакратара Белага дома Дане Уайту, кіраўніку UFC. Ён назваў Уайта «жорсткім байцом і воінам». Трамп таксама папрасіў яго прывесці з сабой шасцёх байцоў UFC у якасці памочнікаў, каб абараняць адміністрацыю ад «шалёных левых», піша Guardian.
Да допісу былі прыкладзеныя выявы. Сярод іх згенераваная ШІ выява Уайта ля прэзідэнцкай пячаткі і фота шасці байцоў: Іслама Махачава, Хабіба Нурмагамедава, Джасціна Гэтджы, Даніэля Кармье, Аманды Нуньес і Кайлы Харысан.
Незразумела, ці гэта рэальны план, ці спроба адцягнуць увагу ад паразы рэспубліканцаў на выбарах.
CNN паведаміла, што Уайт адмовіўся, а адзін з памочнікаў Трампа назваў прапанову жартам. Пасля гэтага Уайт апублікаваў у Instagram сваё фота ў брыфінг-зале Белага дома з подпісам «Наперад, да новага раздзела». На прэс-канферэнцыі ў Лондане ён сказаў, што ляціць у Вашынгтон і ў панядзелак сустрэнецца з Трампам. Ці прыме пасаду, ён не сказаў.
У чэрвені Уайт арганізаваў бой UFC у Белым доме да 80‑годдзя Трампа. Ён актыўна падтрымліваў Трампа ў 2024 годзе.
Ужо тры тыдні ў Белага дома няма прэс-сакратара. Папярэдняя кандыдатка Кэці Закарыя вымушана была сысці.
Рэперка Нікі Мінаж з'явілася з Трампам на мітынгу. Жартуюць, што гэта новая прэс-сакратарка
Прэс-сакратарка Трампа, якая прапрацавала ўсяго пяць дзён, апублікавала яго сакрэтны праект
Трамп параіў сваёй новай прэс-сакратарцы яшчэ раз падумаць, ці ёй гэта трэба. Яна падумала
Новая прэс-сакратарка Трампа правяла першы брыфінг — і ў Белым доме ўжо сумняваюцца, ці доўга яна пратрымаецца
Цяпер чытаюць
Суддзі, якія плакалі, суддзі, якія атрымлівалі асалоду, і суддзі, якія прыніжаліся перад міліцыяй2
Каментары
Спадзяюся нашчадкі будуць чытаць артыкул пра трампаўшчыну і рагатаць
Але нам тут не да рогату)