Упершыню за доўгі час падчас атакі беспілотнікаў загінуў жыхар Падмаскоўя
Расійскія ўлады заявілі пра смерць мужчыны «пры падзенні абломкаў беспілотніка».
77‑гадовы мужчына загінуў пры падзенні абломкаў беспілотніка ў вёсцы Чэрнева, заяўляюць расійскія СМІ.
Украінскія дроны збілі над некалькімі акругамі Маскоўскай вобласці — Істрай, Адзінцовам, Чэхавам, Сонечнагорскам, Валакаламскам і Каломнай, адзін падавілі сродкамі РЭБ, паведамляюць расійскія ўлады.
Гэта першы за доўгі час выпадак гібелі чалавека ў прысталічным рэгіёне Расіі ў выніку атакі ўкраінскіх беспілотнікаў.
Губернатар Бранскай вобласці Аляксандр Багамаз паведаміў пра «ліквідацыю» 63 дронаў.
Кіраўнік Смаленскай вобласці сцвярджае, што ў рэгіёне збіта 15 беспілотнікаў.
Кіраўнік Ноўгарадскай вобласці Аляксандр Дронаў паведаміў, што збіта шэсць дронаў.
Маніторынгавыя каналы таксама пішуць пра беспілотнікі над многімі іншымі рэгіёнамі Расіі: над Цвярской, Пскоўскай, Ленінградскай, Архангельскай ды іншымі абласцямі.
Акрамя таго, украінскія беспілотнікі ляцяць і ў паўднёвым кірунку: расійскія ўлады паведамілі пра закрыццё Крымскага моста, а таксама прыпыненне палётаў у аэрапортах Сочы і Геленджыка.
Адначасова СПА працуе над Кіевам. Паведамляецца, што Расія скіравала на сталіцу Украіны каля ста дальнабойных дронаў.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»4
Каментары
WTF?!