Швецыя затрымала «ценявы» танкер Расіі, які ішоў пад сірыйскім сцягам
Расія выкарыстоўвае сетку старых танкераў з няпразрыстай структурай уласнасці, каб абыходзіць ваенныя санкцыі.

Танкер Jin Hui
Швецыя затрымала танкер Jin Hui з «ценявога флоту» Расіі. Ён ішоў пад сірыйскім сцягам, паведамляе kustbevakningen.se.
182‑метровы танкер быў узяты пад кантроль у нядзелю 3 мая, калі спрабаваў увайсці ў Балтыйскае мора. Верагодна, судна было без грузу. Пункт прызначэння невядомы.
Танкер знаходзіцца ў некалькіх санкцыйных спісах, у тым ліку ЕС і Вялікабрытаніі.
Пакуль ідзе расследаванне, судна паставілі на якар каля горада Трэлеборга.
У сакавіку Швецыя затрымлівала грузавое судна, якое ішло ў Пецярбург пад сцягам Гвінеі. Пазней яго вырашылі канфіскаваць.
Каментары