«Прыкінь, сістэма!». Мужу Насці Туман у Беларусі за перавышэнне хуткасці заблакавалі арэндную машыну
Расійскі блогер Саша Туман і па сумяшчальнасці муж аўтаблогеркі Насці Туман падзяліўся гісторыяй, як гэта — перавышаць хуткасць у Беларусі.
Блогер узяў у арэнду ў Мінску VW Tiguan, на якім ехаў па трасе, і ў нейкі момант машыну аддалена заблакавалі.
«Прыехаў у Беларусь, узяў у арэнду машыну і трошкі хутчэй праехаўся, чым тут можна і чым указана ў дамове», — кажа блогер і ўдакладняе, што перавышаў хуткасць там, дзе няма камер.
Таксама для Сашы стала адкрыццём, што ў Беларусі без штрафу можна перавышаць дазволеную хуткасць толькі на 10 км/г, а не на 20 км/г, як у Расіі.
У Беларусі за хуткасцю сочаць не толькі камеры
«Машына цалкам заблакавалася, не заводзіцца, хуткасці не пераключаюцца, проста мёртвым грузам усё ляжыць», — наракае ён у відэа.
Мужчына звязаўся са службай падтрымкі, дзе пасля высвятлення, што за аўто, і выхаду на сувязь з тэхнічнай службай яму сказалі пачакаць дзесяць хвілін і пасля паспрабаваць запусціць матор.
«Прыкінь, якая там у іх усё ж такі ёсць сістэма», — кажа Туман пры канцы відэа.
У выніку перавысіць хуткасць і тым самым сэканоміць час блогеру не ўдалося. На скрыншоце з перапіскі з кампаніяй відаць, што ад моманту звароту да разблакавання аўто прайшло амаль сорак хвілін.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары